Од затвореник до милионер: Фантастичната приказна за Дејв Дал и неговиот леб што му ја дал втората шанса во животот
Дејв Дал, основачот на „Dave’s Killer Bread“, поминал 15 години во затвор пред да стане симбол на втора шанса и успешен претприемач. Роден во религиозно семејство во Портланд, Дејв бил бунтовен уште како тинејџер, станал зависник од метамфетамини и често завршувал зад решетки. Неговата најмрачна точка дошла кога во 38-та година размислувал за самоубиство во затвор, но антидепресиви и поддршка од затворски психијатар му го промениле животот.
Инспирација за сите луѓе што поминале сличен пат како Дејв
По излегување од затвор во 2004 година, неговиот брат Глен му понудил нова шанса – работа во семејната пекарница. Токму таму, Дејв ја создал идејата за органски леб со уникатен дизајн и име: Dave’s Killer Bread, со негова слика и исповед на пакувањето. Иако маркетите биле скептични, лебот станал хит. Компанијата пораснала од 25 на 300 вработени, а во 2015 година е продадена за 275 милиони долари – со 33 милиони кои му припаднале на Дејв.
И по продажбата, брендот останал верен на својата мисија: вработување на поранешни затвореници со фер плати и поддршка. Дејв вложил и во стартап кој нуди образование за затвореници – истото што некогаш му го спасило животот.
Денес, „Dave’s Killer Bread“ се продава низ цела Америка, Канада и Мексико, а наследството на Дејв продолжува да инспирира илјадници луѓе.
Коментирај анонимно