Од живот на улица до милионер: Ноа Хантер Дорси направи империја од нула и се најде на листата Forbes 30 Under 30

Содржина:

• Како бедата ја разбуди промената: Ноа го поминува дното, беспарица и бездомништво на само 21 година
• Визија и храброст: Од видеографија до милионски бизнис во козметиката
• Почеток на империја: Ноа станува инспирација за нов бран на маркетинг и логистика во Австралија
• Револуција во логистиката и успешен одговор на катастрофа: Future Fulfilment стигнува до 30 милиони долари
• Сон што станува реалност: Издржливоста на Ноа истакната од Forbes, инспирација за сите млади

Како бедата ја разбуди промената: Ноа го поминува дното, беспарица и бездомништво на само 21 година

Ноа Хантер Дорси бил без никакви пари или место за живеење. „Во моите рани 20-ти години се најдов бездомник без пари или место каде да престојувам. Спиев во мојот автомобил и се туширав кај пријатели кога ќе можев,“ раскажува Ноа. Долгите денови ги исполнувал со скејтање, сурфање и музика, а ноќите на задното седиште. Краток период на стабилност добил кога ја запознал сегашната девојка која му дозволила да престојува кај неа.

Визија и храброст: Од видеографија до милионски бизнис во козметиката

„Еден ден се разбудив и знаев дека сакам поинаков живот. Направив јасна визија и почнав да преземам големи чекори кон успехот. Пробав неколку работи… па се заглавив во видеографија, што ме доведе до креирање Facebook реклами – вештина што ми го смени животот“, сведочи Ноа. Со нула бизнис искуство, заедно со својата девојка оснoваат бренд за нега на кожа и преку успешните реклами за кратко време заработуваат милион долари.

Почеток на империја: Ноа станува инспирација за нов бран на маркетинг и логистика во Австралија

На неполни 22 години, Ноа е инспириран да помогне и на други млади претприемачи, со цел генерација Z да го смени пристапот кон маркетинг индустријата. „Пуштив агенција за содржини со многу малку искуство, но со голема верба во Gen Z и што можеме да му понудиме на маркетинг светот. Агенцијата буквално експлодираше, живеевме најубави моменти, градевме заедничка иднина.“ Токму тука Ноа го запознава сегашниот партнер Ник Форџ, со кој ќе направат вистинска револуција во логистиката.

Револуција во логистиката и успешен одговор на катастрофа: Future Fulfilment стигнува до 30 милиони долари

Ноа и Ник препознаваат дека традиционалните логистички компании се бавни и ги изневеруваат младите брендови. Во 2021 година со само 5.000 долари изнајмуваат празен магацин на периферијата на Мелбурн. Првата недела пристигнуваат 100 палети, а тие немаат ни виљушкар. И покрај тоа, успеваат да ги обезбедат првите клиенти и за две години растат за над 400%. Компанијата Future Fulfilment прераснува во логистички гигант кој испорачува за Vegemite, AFL и голем број познати брендови.

Сон што станува реалност: Издржливоста на Ноа истакната од Forbes, инспирација за сите млади

Forbes го избира Ноа на листата 30 Under 30 за 2025 година за трговија и е-трговија не само заради резултатите, туку за тоа како ги постигна. Неговата издржливост, современ пристап и способноста секој пад да го претвори во гориво, се препознаени глобално. „Беше лудо патување досега. Не можам а да не се сетам на себе пред седум години кога решив да променам сè. Нека ова биде ваша мотивација. Држете си ја визијата, сè останато ќе дојде на свое место,“ заклучува Ноа.