„Одбив да го заменам моето седиште во авионот за двојка која беше на меден месец, зошто да го уништувам МОЕТО патување за тие да можат да седат заедно?“

Тоа е една од најжестоките теми на интернет во моментов – во кои околности би се откажале од вашето место за сопатник? Прочитајте ја оваа случка и кажете ни што би направиле вие во оваа ситуација?

„Би сакал да споделам искуство со вас и да ми кажете дали сум идиот. Затоа што во авионот се почувствував како јас да сум негативецот во љубовната приказна на овој пар. Па вака: Си доплатив за да резервирам место покрај прозорецот во авионот. Покрај мене седна жена чиј маж бил седнат во друг ред. Очигледно тие биле на меден месец и сакаа да седат заедно. На мажот седиштето беше покрај патеката, а не покрај прозорецот. Ме прашаа дали може да се смениме со седиштата и јас љубезно одбив и им кажав зошто. Прво поради тоа што сум поголем и поради тоа што не можам да седам на седиште покрај патеката. Секогаш ме удира било кој и да поминува. Еднаш ми беше тешко повреден лактот затоа што ме удри стујардесата со количката и од тогаш избегнувам да седам на тие седишта. Второ со оглед на тоа дека е втор од трите долги летови за тој ден, сакав да се релаксирам и да спијам. Дечкото што седеше до мажот проба да ме разубеди да се сменам и направи сцена како јас да им го уништувам медениот месец на луѓето. Не се помрднав и сите луѓе околу, вклучувајќи го и екипажот ме гледаа како да ме мразат. Дали погрешив што одбив да се преместам? И всушност ако е твој меден месец, претпоставувам дека ќе резервираш седишта однапред, зошто по ѓаволите не резервиравте седишта каде што ќе седите заедно наместо да ги замарате другите патници? Дали сите други патници сега треба да се приспособуваат само затоа што е ваш меден месец? Јас кога одев на меден месец на време ги букирав седиштата и не замарав никого. Па што мислите вие?“

Многу луѓе се приклучија на оваа дебата и го поддржија дечкото кој одбил да се премести.

Еден коментираше: „Ако толку многу сакаа да седнат заедно, требаше да платат дополнително за да ги резервираат местата заедно. Секогаш ми пречи што не планираат така, а потоа очекуваат другите едноставно да се откажат од одредено место за кое патникот конкретно платил“.

Друг истакна: „Младенците многу често мислат дека имаат права на небулозни работи. Но крајната линија е: „Резервиравте и плативте за тоа место, во никој случај не треба да се чувствувате лошо или виновно што не го дадовте на некој друг кој не можеше да се мачи да планира однапред или да плати дополнително“.

Третиот додаде: „Секогаш кога ќе се појави оваа приказна, не е идиот личноста што не сака да се премести! Специјално го резервиравте вашето место и нивниот проблем не е твој“.