„Огледалото во спалната соба нѝ ја запали куќата – не ја правете истата грешка што ја направивме ние“

Британска двојка ја предупредува јавноста да ги чува рефлектирачките површини во домот подалеку од директна сончева светлина, откако мало огледало за шминка поставено во близина на прозорец предизвикало пожар во нивниот дом.

„Тоа не е нешто на што мислите“, изјави Сем Вилкинсон (48).

Медицинската сестра и нејзиниот партнер Мајкл биле во нивниот дом кога забележале чудна миризба.

„Работев во канцеларијата, која е директно под собата која се запали, и почувствував мирис на изгорено, нешто како изгорен тост“, се сеќава Мајкл. „Го проверив мојот вентилатор да видам дали се прегреал, слегов долу за да видам дали некој готви и потоа слушнав како се вклучи алармот за чад на горниот кат“.

Во паника, Мајкл истрчал горе за да ја разбуди Сем, по што парот истрчал од куќата и повикал противпожарна служба. Пристигнале две противпожарни возила и го изгаснале „пеколот“ на третиот кат, при што успеале и да ја спасат семејната мачка, Тајгер.

За среќа, додека многу предмети во спалната соба биле уништени – вклучително и стопениот телевизор и поцрнетите ѕидови – пламените јазици главно биле спречени од затворена врата. Вратата спречила пожарот да се прошири на други делови од домот.

Тогаш пожарникарите ја откриле алармантната причина за пожарот: сончевата светлина што се одбила од малото огледало за шминка и ги запалило завесите во собата.

„Само што ја преуредивме просторијата неколку дена претходно, па не бевме сигурни што го предизвика тоа“, рече Сем. „Кога пожарникарите ни кажаа дека тоа е огледалото, помисливме како може огледалото да го направи тоа?“

Таа додаде: „Сега знаеме дека сè што е рефлектирачко во близина на прозорец каде што удира сонцето, може да предизвика пожар“.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!