Опасен пакт: Двете ќерки се здружиле со мајка им и објавиле интимни фотографии од поранешната љубовница на татко им на веб- страница за ескорт услуги

Една жена е осудена на три години затвор поради тоа што споделила голи фотографии од поранешната љубовница на својот татко на веб-страница за ескорт услуги, во обид јавно да ја понижи. Елеонор Браун, (24), заедно со мајка ѝ и сестра ѝ, кои биле активни поранешни полициски службенички, ги објавила интимните слики од љубовницата.

Аферата помеѓу пензионираниот полицаец Џеф Браун, (61) и жената, имала огромни последици, 12 години по нејзиниот крај. Во 2022 година, сопругата на Џеф, Сара, (57), сѐ уште чувствувала огорченост кон љубовницата, па ги испратила интимните слики на ќерка ѝ Елеонор. Потоа, Елеонор ги испратила фотографиите до сопругот на љубовницата и направила профил на сајт за сексуални услуги.

Објавата нудела сексуални услуги и содржела фотографии од љубовницата, а сопругот на жената добил 14 пораки и 8 повици од потенцијални клиенти во рок од 30 минути.

Во изјава, поранешната љубовница раскажала дека чувствувала ужасна болка и срам откако дознала што се случило.

„Моите фотографии беа споделени со непознати луѓе за нивно сексуално задоволство, и тоа ме болеше. Бев целосно уништена“.

Судот откри дека Елеонор знаела за аферата од детството и со тек на време ја претворила љубовницата во „карикатура“. Браун се изјаснила за „виновна“ среде судењето и била осудена на три години затвор. Судијата Менари ја опиша нејзината акција како „злобна, себична и одмаздољубива“, наведувајќи дека таа покажала „неверојатен недостаток на каење“.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!