Опасните фактори на меѓупланетарните летови ќе се тестираат на животни
Современите истражувања сè повеќе укажуваат дека не нултата гравитација или радијацијата, туку недостатокот на Земјиното магнетно поле може да биде клучниот предизвик за човекот при долготрајни меѓупланетарни мисии. Магнетното поле има важна улога во физиологијата на живите организми – создава електрични струи во телото кои управуваат со функциите на органите, метаболизмот и развојот. Без тоа поле, живите клетки стануваат ранливи, а организмите можат да доживеат сериозни нарушувања.
Експериментот со риби и глувци
Руски научници спровеле експерименти со риби и глувци, изолирани од магнетното поле. Кај ембрионите на рибите било забележано зголемување на срцевиот ритам и развојни деформации, а глувците покажувале зголемена агресивност, загуба на социјални вештини и нарушувања на меморијата. Овие резултати потврдуваат дека животот без магнетно поле предизвикува стрес и нарушувања на нормалните биолошки процеси.
Предизвиците на долготрајните мисии
Советскиот вселенски брод „Зонд-5“ во 1968 година успешно пренел живи организми околу Месечината и ги вратил на Земјата, покажувајќи дека краткорочни мисии се возможни. Но денес, вниманието се насочува кон долготрајните мисии – особено со планираната мисија на „Бион-М“ №2, чиј лет е предвиден за јули 2025 година. Тој ќе орбитира на поларна патека, каде што радијацијата е значително повисока, и ќе понесе неколку десетици глувци и муви дрозофили.
Овој биолошки сателит има задача да испита како животот реагира на условите во орбитата што ја планира Русија за својата нова орбитална станица. Ќе се следат различни начини на исхрана, биолошки промени, и ќе се мерат ефектите од радијацијата и магнетното влијание. Се разгледува и идејата за слични експерименти во мисиите кон Марс, каде што би се споредувале организми со и без заштита од магнетно поле.
Резултатите од овие експерименти може да бидат клучни за иднината на човештвото во вселената – и да одговорат на прашањето: може ли животот да опстане без Земјиното магнетно поле?
Сунита Вилијамс и Буч Вилмор од НАСА беа пратени во вселената со еднонеделна мисија, а поради проблеми со леталото, на Земјата се вратија (пред некој ден) на 18-ти март. Видовме што им направи престојот во вселената!
Им се појавиле следните проблеми: намалување на мускулната маса, коските што ја носат тежината на телото може да изгубат помеѓу 1% и 1,5% од минералната густина месечно, според американската здравствена агенција, без соодветна исхрана и физичка активност, астронаутите губат мускулна маса побрзо во микрогравитација отколку на Земјата, крвта и цереброспиналната течност често мигрираат од долните екстремитети кон главата и очите, што се верува дека предизвикува структурни промени во мозокот и очите….
Заклучок:
Подобро да си седиме дома и да се фатиме со расчистување на наталоженото ѓубре и пластиката!!!
Коментирај анонимно