„Ослабев 50 кила за една година – благодарение на еден едноставен трик во теретана“

Мили Слејтер ја сподели нејзината неверојатна трансформација за слабеење.

20-годишната маркетинг директорка од Нортхемптоншир, Англија, на почетокот на овој месец објави видео на која се прикажува себеси со 114 кила во јануари 2023 година. Потоа покажа снимка од себе со 66 кила само 12 месеци подоцна.

Слејтер ја открива конзистентноста што ѝ помогнала да ја намали тежината и да го тонизира телото.

Уморна од неуспехот со модните диети, Слејтер се придружила на теретана минатата година и почнала да го следи нејзиниот внес на калории, осигурувајќи дека консумира доволно протеини и одржува дефицит. За тренинзите, Слејтер ги постигнала своите цели со комбинирање на вежби со тегови со одење на нагорна лента.

„Почнав да одам на нагорна лента за трчање, а потоа се зафатив со кревање тегови, што ја направи салата помалку здодевна. Моите тренинзи се разликуваа многу во последните година и пол, но продолжив да одам на лентата бидејќи никогаш не сум обожавала трчање“.

Нејзината рутина на одење на нагорна лента го отсликува вежбањето на лента за трчање 12-5-30.

Премисата 12-5-30 е едноставна: поставете го наклонот на лентата за трчање на 12%, темпото на 5 километри на час и пешачете 30 минути.

Вежбањето е одлично за луѓе како Слејтер, кои не се сметаат себеси за тркачи, туку сакаат алтернатива за трчањето.

„Многу е важно да се најде форма на вежбање во која уживаш. Порано верував дека не можам да трчам, па немав шанси. Но, сè што ви треба е да пешачите повеќе и да бидете поактивни“ – вели таа.

Студијата објавена во Журналот за биомеханика покажа дека учесниците согорувале 17% повеќе калории при наклон од 5% и 32% повеќе калории при наклон од 10% отколку кога оделе на рамна површина.

HealthCentral известува дека лице од 70 килограми што го прави тренингот 12-5-30 ќе согори околу 300 калории за 30 минути.

Слејтер тврди дека нејзините тренинзи со одење на нагорна лента го трансформирале нејзиното тело и ум: „Ми се допаѓа колку силно се чувствувам и тоа ми дава многу поголема доверба во себе!