Откриен идентитетот на креаторот на Биткоинот

Протечен документарец открива тајна чувана со години

Истражувачкиот документарец, кој требаше да биде објавен на 17 февруари 2025 година, требаше да ја разоткрие мистеријата на Сатоши Накамото — анонимниот гениј кој го запозна светот со Биткоинот во 2008 година, а потоа исчезна без трага.
Меѓутоа, поради хакерски напад и протекување на доверливи материјали, дел од информациите излегоа во јавноста порано од планираното. Еден од протечените кадри укажува дека Брам Коен и Лен Сасеман биле вистинските инспиратори зад идејата за создавање на Биткоин.

Коен и Сасеман биле блиски пријатели и имале заеднички научни интереси. Нивната соработка довела до создавање на револуционерен дигитален феномен што засекогаш го смени светот на финансиите.

Брам Коен во 2001 година го трансформираше начинот на кој се пренесуваат податоци, со развојот на BitTorrent – децентрализирана технологија за споделување датотеки.
Лен Сасеман, криптограф и борец за дигитална приватност, помогнал во развојот на анонимен систем за пораки и придонел кон создавањето на прелистувачот Tor.

Сасеман починал под неразјаснети околности на 3 јули 2011 година. Интересно е што точно 190 дена по неговата смрт, на 3 јануари 2012 година, се одбележале три години од рударењето на нултиот блок од Биткоин. Со него исчезнале и криптографските клучеви од партнерскиот дигитален паричник, во кој се наоѓаат околу 1 милион биткоини – денеска вредни милијарди.

Дополнително, веќе се разгледуваат нови инструменти за инвестирање врз основа на Биткоин. Инвестициската компанија Finam планира да издаде обврзници чии приноси ќе зависат од курсот на Биткоин, со користење на фондот iShares Bitcoin Trust ETF (IBIT), основан од BlackRock во 2023 година. Во иднина се размислува и за сличен инструмент поврзан со Ethereum.