Откриено мистериозно морско суштество без лице – првпат по 140 години

Содржина:

• Страв и фасцинација од длабочините
• Откритие од 2017 – всушност познато од 1873
• Факти за „безликата риба“ – Typhlonus nasus

Страв и фасцинација од длабочините

Многумина се плашат да се нурнат во длабокото море – и со добра причина. Без разлика дали станува збор за непознато суштество што ви се допира до нозете или застрашувачки снимки направени на морското дно, длабочините се обвиени со тајни.
Иако денес сме во ера на напредна технологија, студија проценува дека само 0.0006 до 0.001 проценти од морското дно се истражени од човекот. Тоа го прави океанот еден од последните вистински непознати светови на Земјата.

Откритие од 2017 – всушност познато од 1873

Во 2017 година, научници кои ги истражувале абисалните длабочини (околу 4 километри под површината) покрај источниот брег на Австралија, наидоа на суштество кое изгледало како да нема лице – без очи и со уста сместена под телото.
Се мислеше дека станува збор за нов вид, но истражувањето покажало поинаку. Тимот на бродот Investigator, на австралиската агенција CSIRO, брзо сфатил дека ова „безлико суштество“ веќе било документирано – и тоа уште во 1873 година од страна на британскиот истражувачки брод HMS Challenger, покрај брегот на Папуа Нова Гвинеја.

Факти за „безликата риба“ – Typhlonus nasus

Научното име на ова суштество е Typhlonus nasus, но е попозната како Faceless Cusk – или буквално „безлика куска“. Има голема, заоблена глава, крупни ноздри, и телото ѝ се стеснува кон опашката. Устата ѝ е лоцирана на долната страна на главата, што создава впечаток дека воопшто нема лице.

Оваа риба живее на длабочини до 5 километри и е пронајдена во Индискиот Океан, покрај Индонезија, Папуа Нова Гвинеја, Јапонија, Маријанските острови и Хаваи.

Ди Бреј, менаџер на збирката на Museums Victoria, изјави:
„Носиме многу литература на бродот за да ги идентификуваме примероците колку што можеме, бидејќи често истражуваме води што се слабо или никогаш не се истражени. Но ова… ова беше навистина чудно.“