Откривачкиот фустан на Кендал Џенер ги натера луѓето да развијат дискусија околу соодветна облека за на свадба

Кендал Џенер предизвика дебата за соодветна облека за на свадба оваа недела откако сподели слики од фустанот што го носеше на големиот ден на пријателка.

Џенер ја објави својата слика на Инстаграм на која можеме да ги видиме и нејзините другарки Хејли Бибер, Џеси Џо Старк и Бела Хадид на свадбата на Лорен Перез.

Поголемиот дел од жените се чини дека носат долги фустани, кои се вообичаена глетка на свечен настан како што е свадба, но уникатниот фустан на Џенер предизвика критики од некои корисници на социјалните мрежи кои тврдеа дека е несоодветен.

Црниот фустан на Mônot открива голем дел од торзото на Џенер. Манекенката очигледно беше повеќе од задоволна од ова додека се сликаше како позира во фустанот, но сепак, некои луѓе сметаа дека е потребно да ја коментираат облеката и нејзината одлука да ја носи.

Еден корисник на Твитер се запраша зошто Џенер „облкла таков фустан на свадба“, додека друг ја означи манекенката и рече дека „повеќе би сакала на нејзината свадба да се појави во венчаница отколку во оваа“.

Трет коментираше: „Извинете, но тоа НЕ е фустан што се носи на свадба“.