Оваа девојка може да се капе само еднаш месечно, а има и добра причина за тоа

Скоро секој од нас сака да го започне или да го заврши денот со добар туш и да прескокнете еден ден не е криминал. Но, за една млада девојка оваа рутина изгледа сосема невозможна.

21-годишната Теса Хансен-Смит има Аквагенска уртикарија, исклучително ретка состојба за која се смета дека зафаќа помалку од 100 луѓе ширум светот и таа ги спречува сите оние кои ја имаат често да се тушираат, да спортуваат или да вежбаат.

За само неколку минути од контакт со вода, 21-годишната девојка добива осип по целото тело, страда од мигрена и развива треска. Поради ова, таа дури и не може да шета низ универзитетскиот кампус за случајно да не се испоти додека пешачи и затоа ја транспортираат со возило.

На Теса, од Калифорнија, и била дијагностицирана со состојба на 10-годишна возраст од нејзината мајка, која е доктор. Нејзината дијагноза значи дека ѝ е непријатно да испие дури и голтка вода.

Таа за прв пат покажала знаци на состојба кога имала осум години, кога капењето и туширањето предизвикало да избувне во осип. Нејзините родители првично претпоставуваа дека тоа е предизвикано од алергиска реакција на одредени сапуни и шампони, но потоа сфатиле дека е нешто повеќе. Девојката првин земала таблети за алергии, но бидејчи болеста се влошува со возраста тоа повеќе не ѝ помага.

„Навистина е тешка состојба да се има, дури и јас сум алергична на моите солзи, плунка и пот. Јас сум навистина склона кон исцрпување од топлина и морам да избегнувам физичка активност. Дури морам да бидам возена околу мојот кампус на колеџ затоа што во спротивно се појавувам на моите предавања со треска, мигрена и осип што ми е навистина тешко да се концентрирам. Јас страдам од голем мускулен замор и гадење; болеста обично ми предизвикува проблеми кога јадам нешто со многу вода во храната, како овошје и зеленчук. Дури и водата за пиење може да предизвика повреди на мојот јазик. Имањето аквагена уртикарија може да биде ментална игра на моменти – тешко е да земате толку многу таблети секој ден, ако знаете дека нема никогаш да престане.“, објаснува Теса.

Поради реткоста на состојбата, има многу ограничени податоци за ефективноста на индивидуалниот третман на пациентите.