Оваа симпатична AI топка од Samsung и Google може да биде вашиот следен паметен домашен асистент!
Samsung и Google здружија сили за да ја претстават новата верзија на Ballie – топчеста, AI домашна асистентка која може да проектира видеа, да управува со паметни уреди и да води природни разговори. Поддржана од вештачката интелигенција на Samsung и Gemini технологијата на Google Cloud, Ballie носи револуција во паметните домови.
Персонализиран придружник за домот
Новата Ballie работи на Samsung Tizen OS и користи генеративна вештачка интелигенција во комбинација со адаптивно однесување во реално време. Таа учи од секојдневните навики на корисниците и има за цел да стане вистински персонализиран придружник во домот – со можност да препознае кога треба да вклучи светло, да пушти омилено видео или дури да пречека гости.
Роботиката влегува во домовите
Оваа лето, Ballie официјално ќе влезе на пазарот, означувајќи го првиот голем чекор на Samsung и Google во полето на потрошувачка роботика. Овој уред е логичен продолжеток на веќе постоечката соработка меѓу двете компании во областа на AI за паметни телефони, часовници и идни уреди за мешана реалност.
Со Ballie, иднината на паметниот дом станува поинтерактивна, поинтелигентна – и малку посимпатична.
Коментирај анонимно