Оваа убавица е една од најпознатите светски готвачи, но и нејзиниот приватен живот е достоен за филмска приказна

Американската телевизиска водителка и писателка Падма Лакшми која има 51 година, минатиот викенд беше мета на фотограф на кошаркарски натпревар во Медисон Сквер Гарден во Њујорк, а славната убавица ја покажа својата природна убавина. Таа беше во друштво на 12-годишната ќерка Кришна, а судејќи по фотографиите одлично се забавувале.

Поранешната манекенка ја покажа својата витка линија и младешкото лице во лежерен, природен изглед, а многумина се согласија дека изгледа подобро од било кога. Нејзините обожаватели често пишуваат дека токму поради нејзиниот неверојатен изглед е тешко да се погоди колку години има водителката.

Падма стана позната водителка во Америка откако го водеше шоуто „To Chef“, за кое беше номинирана за наградата Еми.

Таа, исто така, ја издаде книгата за готвење „Easy Exotic“, која беше прогласена за најдобра книга за готвење во светот во 1999 година. Заедно со неа има објавено уште две книги за храна и мемоарите „Love, Lose And What We Are“.

Падма е исто така ко-основач на непрофитната организација „The Endometriosis Foundation of America“ и светски амбасадор на организацијата „Keep a Child Alive“.

Таа редовно го привлекуваше вниманието на јавноста со својот приватен живот.

Во 2004 година, Падма застана пред олтарот со писателот Салман Ружди, но три години подоцна таа поднесе барање за развод. Таа го сакаше и милијардерот Теодор Џ. Форстман од 2009 година до неговата смрт во 2011 година. Потоа таа доби ќерка со претприемачот Адам Дел, а ја поврзуваа и дека имала врска со Ричард Гир.