Овој брачен пар изгледа баш слатко со нивните деца и ловот со лакови, но погледнете зошто се казнети 133.000 долари и се на условна тригодишна казна

Познат брачен пар кој објави видео од нивните убиства на социјалните мрежи, е казнет со 133.000 долари затоа што бил дел од најголемиот синџир за ловокрадство во историјата на Небраска.

Џош Боумар (32) и Сара Боумар (33) од Охајо, минатата недела беа осудени од федерален судија затоа што свесно незаконски ловеле белоопашест елен и мисирки во Небраска без дозволи и користеле мамка. Двојката беше обвинета дека одела на повеќе од десетина ловечки тури со Hidden Hills Outfitters со седиште во Небраска помеѓу 10 септември 2015 година и 6 ноември 2017 година.

Притоа, тие беа обвинети дека го прекршиле Законот за Лејси, кој забранува илегална трговија со диви животни, риби или домашни растенија.

Утврдено е дека користеле пикап камиони, теренци и приколки за илегално транспортирање на елени и мисирки, цели и делови, до нивните домови во Охајо и на други места.

Пресудата доаѓа откако Боумар се изјаснија за виновни на 19 октомври во Окружниот суд во Небраска за прекршочни обвиненија. За возврат, беа отфрлени уште четири посериозни пријави поврзани со незаконско вознемирување.

Покрај тоа што морале да платат парични казни, брачната двојка е осудена на тригодишна условна казна, во текот на која ќе им биде забранет каков било облик на лов во Небраска.