Овој мал град е светска престолнина на борењето со прсти од нозе веќе 50 години: „Луѓето не сфаќаат колку навистина е потребна вештина“

Ако Бразил е поим за џиуџицу, тогаш Ешборн, Дербишир е „Мека“ за борењето со прсти – секоја година, натпреварувачите доаѓаат во малиот град во Велика Британија за да видат кој ќе владее во необичниот спорт.

„Моментално сум шесткратен светски шампион и планирам да стигнам до 7 денес“, изјави Лиза Шентон, 14-годишна ветеранка на спортот чие боречко име е „Тинклети“. Жителката на Ешборн на крајот уште еднаш ја одбрани титулата во женската дивизија, заработувајќи трофеј во форма на стапало.

Шентон беше една од 28-те борци со прсти кои се натпреваруваа во турнирот, кој се одржува на 8 етапи, соодветно наречени „тоедиум“. Над 200 гледачи се собраа да го проследат неодамнешниот турнир.

„Тоа е исто како борење со рака, но сепак се натпреварувате со прстите од нозете и имате две исправени штици“, рече Бен Вудроф (35), актуелниот шампион во машка конкуренција, кој е познат како „Та-тал деструкција“.

Натпреварувачите почнуваат со десната нога и штом еден од борачите ќе освои поен, тие се префрлаат и одат со левата. Овој процес, наводно, може да потрае до два часа и може да стане многу комплициран.

Се вели дека борењето со прсти (палци) било измислено во Ветон, Дербишир во 1974 година од група пијани луѓе. Се вели дека совладувањето на жестоката форма на „спортот“ бара голема посветеност и обука.

„Тренирам со тегови на глуждот, правам истегнување и се борам со мојата партнерка Рут колку што е можно повеќе во текот на годината“, вели Шентон, која е една од ретките жени коишто се натпреварува во спортот.

„Повеќето луѓе не сфаќаат колку вештина всушност е потребна во спортот – потребна е многу повеќе сила и мускули отколку што луѓето разбираат“, рече таа.

Во меѓувреме, Вудроф, кој првпат се натпреваруваше во јуниорските лиги на 14 години, пред да се приклучи на машката конкуренција четири години подоцна, се бори секој ден. Тој, исто така, ги отстранил влакната од телото за да го зголеми количеството на триење во „рингот’, па дури и хируршки ги отстранил двата големи нокти на нозете бидејќи му ја туркале кожата.

За време на овој последен првенствен натпревар, Вудроф го скрши палецот додека се бореше со 17-кратниот светски шампион Алан „Насти“ Неш, кој повеќепати излегуваше од пензија за да се соочи со својот ривал. И покрај повредата, „Toe Frazier“ излезе како победник.

„Прстите на нозете може да се скршат и вообичаено е да се појават плускавци и болки во колената, но славата вреди“, изјави шампионот за „Би-Би-Си“.

Додека борењето со прстите има меѓународна привлечност – спортот уживал во спонзорствата како од „Ben & Jerry’s“ во минатото, а навивачите патуваа од земји од Индија до Јапонија и Канада за да го видат овој најнов спорт – којшто допрво ќе доживее светска слава.