Овој нов автомобил се движи на 3 тркала и нема потреба од гориво или полнење

Ако некогаш сте се запрашале како би изгледал Reliant Robin од иднината, еве го вашиот одговор. Сосема новата „Аптера ЕВ“ е автомобил со три тркала што работи на соларна енергија, нудејќи можен опсег на возење од 1.600 километри.

Врвниот модел на автомобилот доаѓа со батерија од 100 kWh и низа соларни панели на неговиот покрив што можат да обезбедат опсег до 72 километри на ден. Елегантното, лесно возило за две лица, исто така доаѓа со опционални соларни панели на неговиот покрив и на задниот дел, додавајќи нови 40 км опсег. Аптера вели дека сончевата технологија, која може да се полни со брзина од 8 км на час, теоретски значи дека, сè додека го користите само за кратки патувања, автомобилот никогаш не треба да остане без полнење.

Ко-основачот на Крис Ентони, во изјавата рече: „Со технологијата Aptera’s Never Charge, ве води моќта на сонцето. Нашата вградена соларна низа го задржува вашиот пакет батерии наполнет и каде и да сакате, треба само да тргнете. Never Charge е вграден во секоја Аптера и е дизајниран да собере доволно сончева светлина за да помине над 17.700 километри годишно во повеќето региони.“

Соларната енергија е добра кога се движите низ сончева Калифорнија, но што доколку се вози низ дождливиот Лондон? Па, добрата вест е што Aptera EV не се потпира само на соларна енергија, исто така можете да го приклучите како и секој друг електричен автомобил, од компанијата велат дека нејзината технологија за брзо полнење може да понуди врвна стапка на полнење до 800 км од опсег на час. Големините на батериите во различните модели се движат од 25 kWh до 100 kWh.