Печурки од тегла: Зошто е некогаш подобро да ги користите нив, отколку свежите шампињони?

Печурките од тегла се нешто што секогаш го чувамe при рака од неколку причини: тие се евтини, имаат одличен вкус и додаваат одлична текстура на јадењата.

Печурките се конзервираат во течна саламура како метод на зачувување и подолго траење. Исто како и со конзервираната храна, тоа значи дека можете да чувате неколку тегли во вашиот шкаф спремни за употреба за оваа недела или следната година, во основа секогаш кога ќе се појави итен случај и нивна потреба.

Печурките во саламура се влажни и „лигави“. Но, размислете за ова – тоа е добра работа. Овие печурки се готват за време на процесот на конзервирање, така што додека ги користите во варено јадење, во основа сте прескокнале еден чекор, а можеби дури и два. Печурките во саламура се полни со влага од течноста во која се складирани, а често тоа вклучува и малку сол, што значи дека можете да ги фрлите во сад во речиси секоја фаза од рецептот. Тоа значи нула подготовка и слобода да ги додадете по желба, дури и кога речиси ќе завршите со готвењето.

Најдобро е да ги користите печурките во саламура во брзи домашни јадења, како пица на пример. Пиците се готват брзо и на високи температури, а за жал свежите шампињони стануваат суви и растегливи под тие услови. Сепак, сочните конзервирани печурки „излегуваат“ од рерната и даваат богата текстура и вкус.

Затоа, на вашето следно одење во маркет, препорачуваме да си купите неколку теглички. Ќе ви помогнат повеќе отколку што очекувате.