Пет браќа и сестри живееле во посебни домови за згрижување, па ова семејство ги посвоило сите

Пред 15 години, на Анди Бонура од Тексас ѝ било кажано дека нема да може да има повеќе деца, а сега има осум.

Нејзиниот најстар син, Џои, 15, кој го има со нејзиниот сопруг Томас, е роден со близнакот, Ели, но тој починал на само пет месеци. Џои успеал да преживее и живее со церебрална парализа и оштетен вид, но неговата мајка вели дека тој е „најсреќното дете во оваа куќа.“

„Кога го загубивме Ели, ни рекоа дека не можеме да имаме повеќе деца и бевме уништени. И тогаш почнавме да гледаме на посвојување, но поради некоја неверојатна причина, подоцна имавме уште две ќерки кои беа целосен шок“ – изјави таа.

Ќерките Сејди и Дафне сега имаат 10 и 8 години.

Семејството Бонура во тој момент имале три деца, но тие не застанаа тука. Знаејќи дека би било ризично да имаат повеќе биолошки деца, тие се свртеа кон згрижување во 2017 година.

„Тогаш ни рекоа да дојдеме да го земеме нашиот сега 2-годишен Брајсон, кој му се придружи на семејсвото како што се роди. Не мислевме дека ќе го имаме засекогаш или ништо. Бевме таму за да го сакаме засега. Но, дознавме дека има браќа и сестри”, рече таа.

Брајсон има четири браќа и сестри кои сите биле поделени во различни домови за згрижување. Затоа, Анди прашала дали може да згрижува некои од браќата и сестрите и добила одобрение.

„Сè уште не мислевме дека ќе ги имаме засекогаш. Бевме среќни што се заедно“.

Потоа, на изненадување на семејството, дознале дека сите пет деца ќе бидат ставени на посвојување бидејќи нивните родители им ги прекинале правата како старатели.

„Веќе се среќававме со близнаците, кои сега имаат 8 години, и едноставно ги сакавме. Тие постојано прашуваа кога ќе се вселат во нашата куќа“, рече таа.

Во мај, по две години поминати низ процесот на посвојување, тие добија одобрение за посвојување преку. Томас (8), Картер (8), Дејвид (6), Габриел (4) и Брајсон (2) сега имаа вечно семејство.

„Децата поминаа низ многу, но тие се најслатки. Тие се неверојатни – и издржливи“, рече Анди.

Да се ​​биде родител на осум деца не е лесна задача и Анди дава голема заслуга за поддршката што ја добива од другите згрижувачки родители.

„Единствената причина зошто успеав да го поминам сето ова е поради другите згрижувачки мајки и поддршката што ја имаме една за друга“, рече таа. „Искрено, јас не сум ништо посебно“.

Анди вели дека се чувствува како сите осум браќа и сестри да биле заедно цел живот. „Тие се сакаат и се поддржуваат и се грижат еден за друг. Тие се толку горди што се браќа и сестри“.