Петгодишно дете со аутизам прозборува за прв пат и на неговата и среќата на домашните ѝ нема крај (ВИДЕО)

Приближно една четвртина од лицата со аутизам се невербални, и додека оваа бројка изгледа голема, таа значително се намалила во споредба со претходните генерации, кога половина од лицата со аутизам биле невербални. Овој позитивен тренд се должи на зголемени истражувања и поефективни терапевтски стратегии. Многу деца со аутизам кои првично се невербални, подоцна стекнуваат говорни вештини. До 70% од невербалните деца стануваат течни говорници или користат едноставни фрази.

Кога дете со аутизам е невербално или има доцнење во говорот, тоа е тешко за родителите бидејќи сакаат нивното дете да може да ги искаже своите чувства и потреби. Дополнително, тешко е да се види како детето се социјализира без можност целосно да се изрази. Затоа, кога дете со аутизам го прави првиот напредок во говорот, тоа е монументален момент за него и неговите најблиски.

Фотографката Хејли МекГваер го сподели големото постигнување на нејзиниот син Мајка на „TikTok“, а инспиративното видео е забележано над 730.000 пати. Првото видео е од Мајка како ги повторува имињата на членовите од неговото семејство, додека тие навиваат во позадина. Секогаш кога ќе го изговори точно името, тој скока од возбуда.

Оттогаш, Мајка покажува константен напредок.

„Во последниве ден и пол, сè што ќе го замолиме да каже, тој го повторува,“ изјави МекГваер.

Видеото од Мајка како првпат го изговара своето име собра над 2 милиони лајкови. МекГваер вели: „Мајка отсекогаш бил многу нежен и љубезен, иако е тивок. Иако не зборуваше, секогаш беше приврзан и харизматичен.“

Видеата на Мајка донесоа многу радост, но најдобриот дел е тоа што тие им даваат надеж на семејствата на деца со аутизам кои го чекаат моментот да го слушнат првиот збор од своето дете.