Пиењето на овој зимски пијалок може да го заштити вашето тело од штетните ефекти на масната храна и стресот

Храната која прави да се чувствувате добро во време на стрес често не е добра за вас. Но, во сладок пресврт на настаните, научниците открија дека конзумирањето на оброк со многу маснотии, како одреден вид какао може да се спротивстави на некои вознемирувачки здравствени негативни страни.

Познато е дека епизодите на висок стрес, дури и кратките, благо и привремено ја нарушуваат функцијата на артериите на телото. Додека јадењето мрсна храна може да ви изгледа добро во моментот, студиите сугерираат дека заситените масти може да го влошат стресот на кардиоваскуларниот систем, пролонгирајќи го закрепнувањето. Добрата вест е дека може да има противотров, и што е доволно изненадувачки, може да се послужи како десерт по оброк со висок процент на масти.

Истражувачите од Универзитетот во Бирмингем покажаа дека пиењето какао во прав со висока содржина на антиоксиданси може потенцијално да го ублажи падот на васкуларната функција поврзана со стресот и мрсната храна. Експериментот опфатил 23 млади до средовечна возраст, кои јаделе два кроасани со путер и чедар сирење заедно со чаша полномасно млеко.

Покрај тоа, приближно половина од групата пиеле пијалок од какао со високо ниво на флаваноли, кои се антиоксиданси кои се наоѓаат во храната од растителна основа како што се бобинки, чај, јаболка, круши и некои јаткасти плодови. Другата половина испила пијалок од какао со ниско ниво на флаваноли. Учесниците потоа направиле нешто доста стресно: тест по математика.На втората сесија, учесниците го повториле експериментот, конзумирајќи го пијалокот од какао со низок флаванол, доколку претходно им била дадена верзијата со висока содржина на флаванол, и обратно.

По мрсниот оброк и стресниот настан, истражувачите откриле зголемување на дијаметарот и на брахијалната и на каротидните артерии на учесниците. Брахијалната артерија носи оксигенирана крв до телото, додека каротидната артерија носи крв со кислород до мозокот. Особено, на брахијалната артерија ѝ требало некое време да се опорави кај оние кои пиеле какао со низок флаванол. До 90 минути по мрсниот оброк и стресниот настан, оваа артерија продолжила да покажува нарушена способност да реагира на промените во протокот на крв. Иако е мало, ова ниво на оштетување е поврзано со 9 до 13 проценти зголемен ризик од идни кардиоваскуларни проблеми.

Но, еве ја добрата вест: оние кои пиеле какао со висок флаванол биле донекаде заштитени од тие оштетувања. Начинот на кој нивната брахијална артерија реагирала на промените на протокот на крв бил подобрен во споредба со групата со низок флаванол.

„Според нашите сознанија, ова е прва студија која покажа дека какаото со висок флаванол може да го ублажи падот предизвикан од стрес на дилатација посредувана од брахијалниот проток по оброк со висока содржина на масти“, пишуваат авторите, предводени од физиологот Розалинд Бајнхам.

Денес, повеќето луѓе кои јадат „западна“ диета не ја консумираат препорачаната количина на дневни флаваноли, што е приближно еднакво на две шолји црн или зелен чај. Некои ограничени докази сугерираат дека овие биоактивни соединенија можат да го подобрат кардиоваскуларното здравје и когнитивната функција.

Потребни се повеќе истражувања, но сегашното испитување ја поддржува таа хипотеза, барем за кардиоваскуларното здравје. Високата доза на флаваноли користени во експериментот од Бирмингем е еквивалентна на две шолји зелен чај, 5,5 лажици необработено какао или 300 грама бобинки.