Плодниот период во болницата „Плодност“ во Битола продолжува: 17 бебиња родени во еден ден (ВИДЕО)

„Ако не можеш да имаш дете, одиш кај доктор Таше“, ова е позната фраза во Битола и пошироко, а има и зошто. Во еден ден дури 17 новороденчиња им донесоа среќа на нивните родители. „Бејби бум“ периодот во болницата „Плодност” во Битола продолжува, од каде неодамна се пофалија дека стигнале до бројката 700 живородени новороденчиња за оваа година.

Болницата „Плодност“ е лидер кога станува збор за ин-витро оплодувањето со стапка на успешност од 54%.

Според податоци од Државниот завод за статистика, на територијата на цела Македонија во 2022 се раѓале по околу 50 деца на ден ширум болниците.