По 21 година брак, нејзиниот сопруг призна дека е геј, а таа едвај јавно зборуваше за најлошата трагедија во нејзиниот живот

Актерката Фран Дрешер се прослави пред 30 години благодарение на серијата „Nanny“, а поради огромната пунџа, црните локни и лукавата личност, сите сè уште многу добро ја паметат. Козметичарката со назален глас која го освои британскиот вдовец беше позната по нејзиниот лесен пристап кон животот, а тесните костими и вртоглаво високите потпетици беа нејзин заштитен знак низ целата серија.

Од друга страна Фран Дрешер имала многу турбулентен живот. Иако денес ужива во заслуженото пензионирање и останува надвор од медиумите колку што може, нејзината животна приказна сепак фасцинира многумина.

Дрешер ја започна својата кариера како мис претставувајќи ја државата Њујорк на ниво на САД, а многу рано го запознала нејзиниот иден сопруг Питер Марк Џејкобсон, за кого се омажила во 1978 година на само 21 година.

Фран имаше прилично спектакуларен вовед во светот на филмот и телевизијата. Во „Saturday Night Fever“ таа ја изговори својата прва филмска реченица, во лицето на Џон Траволта. Таа во нејзин самоуверен стил му рече: „Дали си толку добар во креветот колку што си на подиумот?“ После тоа, се чинеше дека нема да остане запаметена во телевизискиот свет, но потоа се се промени во 1993 година кога „Nanny“ почна да се емитува.

Серијата постигна инстант успех, како и нејзиниот шармантен карактер на стилска икона што може да се опише како траш-шик. Серијата заврши во 1999 година, а потоа Френ веќе не успеа да постигне успех сличен на ерата кога глумеше во серијата. Главен лик и камен-темелник на серијата беше дадилката Фран Фајн, направена по ликот на актерката Фран Дрешер.

Што се однесува до нејзиниот приватен живот, Фран доживеа големи подеми и падови. Во јануари 1985 година, двајца разбојници упаднаа во нејзиниот стан во Лос Анџелес. Додека едниот го уништувал и ограбувал станот другиот наизменично ја силувал Фран и нејзината пријателка држејќи им пиштол на главата. Сопругот на Фран бил претепан, врзан и принуден да биде сведок на целата сцена. На Фран Дрешер ѝ требале години да се опорави од тој трагичен настан, а уште подолго да зборува за тоа во јавноста.

Фран Дрешер претрпе уште една голема траума во 1996 година кога официјално се раздели од нејзиниот сопруг, со кој разводот беше финализиран дури во 1999 година. Нејзиниот поранешен сопруг изјави дека по многу години брак сфатил дека е геј, а парот останал во пријателски односи и покрај брачниот бродолом и долго време соработуваат во деловно работење. „Нашата љубов е единствена, ретка и бескрајна. Освен кога е иритирачка”, рекла таа за својот поранешен сопруг во една прилика.

Иако против сѐ се бореше позитивно, тоа не ѝ помогна да не се разболи тешко. Во 2000 година, на Фран и бил дијагностициран рак на грлото на матката, поради што морала да направи хистеректомија. Откако ѝ ја извадија матката, Фран беше прогласена за потполно здрава. Никогаш немала деца.

Актерката и денес не симнува широка насмевка од лицето, а тивкиот начин на живот сосема ѝ лежи со оглед на тоа низ што сѐ поминала.