„Портал до пеколот“ или нешто друго? Моторџија сними „црн прстен“ на небото над Канзас, а додека снимаше прстенот почна да исчезнува

Додека возел по мирна улица во Бонер Спрингс, Канзас, моторџијата Френки Камрен забележал огромен црн прстен на небото и веднаш застанал да го сними необичниот феномен. Видеото, кое брзо се прошири на социјалните мрежи, предизвика бурни реакции – од шеги до теории за „порта до пеколот“. Според метеоролози, најверојатно се работи за последица од експлозија или индустриски процес при што се создава ваков прстен од чад. Иако потеклото не е сосема утврдено, вакви појави се забележани и претходно во различни делови на светот.