Порталот на Илон Маск дозволи длабоко фалсификувани експлицитни слики од мајката на неговото дете како тинејџерка

Содржина:

• Потврда: Вистински фотографии од малолетната Ешли биле користени во монтирани експлицитни содржини
• Ешли добила забрана за жалбите, а содржината останува на платформата
• Маск знае за проблемот, но ништо не менува – реагира цел свет, но Grok продолжува слободно да генерира спорни слики
• Глобален притисок: Европските институции и интернет-организации алармираат, Grok признава ограничувања ама експлицитните слики и злоупотребата не престануваат

Потврда: Вистински фотографии од малолетната Ешли биле користени во монтирани експлицитни содржини

„Овие се вистински фотографии од мене што ги искористија за да ме соблечат. Пронајдоа фотографија од мене кога имав 14 години и ја соблекоа, ја ставија 14-годишната јас во бикини“, признава Ст Клер. Таа се чувствува „гнасно и понижено“ и се обидела да реагира и да ги тргне фотографиите – но наишла на ограничен успех: „Некои ги тргнаа, за некои им требаше 36 часа, а некои уште се онлајн.“

Ешли добила забрана за жалбите, а содржината останува на платформата

Ст Клер дури на својот X профил во четвртокот тврди дека добила казна за прекршување на условите за користење, само затоа што се пожалила за содржината: „Ми го тргнаа синиот чек брзо, побрзо отколку што ја тргнаа mechahitler kiddie porn + сексуалната злоупотреба што ја направи grok (уште е горе, ако ве интересира како работи пристапот ‘плати 8 долари за да злоставуваш жени и деца’)” напиша таа.

Маск знае за проблемот, но ништо не менува – реагира цел свет, но Grok продолжува слободно да генерира спорни слики

Ешли тврди дека Маск е „свесен за проблемот“ и дека „ова не би се случувало ако тој сакаше да престане“. На прашањето зошто не ја стопира детската порнографија, таа вели: „Тоа е одлично прашање што луѓето треба да му го постават нему.“ На нејзиниот профил дополнително го нападна најбогатиот човек на светот: „Почнувам да мислам дека 44 милијарди долари што Маск ги даде за X не беа за слобода на говор.“
Маск одговори на еден корисник: „Па што ако Grok може да стави луѓе во бикини? Може и Photoshop? Милиони апликации можат тоа веќе! Ова не е нов проблем, туку нова алатка. Ако некој го прави ова без согласност, тој треба да биде казнет – не платформата.” Маск само додаде: „Точно.“

Глобален притисок: Европските институции и интернет-организации алармираат, Grok признава ограничувања ама експлицитните слики и злоупотребата не престануваат

Глобални аналитичари потврдуваат дека на Грок има криминални слики од деца на возраст од 11 до 13 години, креирани токму преку оваа алатка. Ботот овозможува барања за модифицирање на фотографии, вклучително и ставање жени во бикини или сексуализирани позиции. Експлицитните deepfake слики кои циркулираат во јавноста остануваат достапни, дури и по најавите за промени – сега овие алатки се ограничени само за платени корисници, но проблемот не престанува.
Европската комисија е децидна: „Ова не ја менува нашата суштинска грижа. Платено или неплатено, не сакаме да гледаме вакви слики. Толку е едноставно,” изјави портпаролот Томас Ренье.
И покрај најавите дека Grok Imagine, познат како „spicy mode”, ќе биде контролиран – алатката сè уште им овозможува пристап на премиум корисници кои плаќаат 8 долари месечно.
Маск претходно тврдеше „секој што користи Grok за создавање незаконска содржина ќе сноси последици како да ја има лично поставено функционалната содржина.” Од X тврдат дека преземаат мерки против незаконска содржина, вклучувајќи забрана на профили и соработка со институциите, но истрагите продолжуваат низ целиот свет.