„Потрошив 127 илјади долари покривајќи 98% од моето тело во тетоважи – но ми снемува простор“

Ели Инк (33) го започнал своето патување со тетоважа на 17 години со црна пајакова мрежа на лактот, единствениот дел од неговото тело кој не е целосно покриен со црно мастило.

Ели продолжил и ги истетовирал рацете, нозете и градитво црно, поминувајќи илјадници часови под иглата.

Сега без гола кожа, тој става ново мастило врз стари дизајни.

Ели Инк на 17 години

И покрај тоа што е нападнат поради неговиот изглед, Ели сепак сака уште тетоважи

Ели, кој раководи со Sacred Silence Tattoo студио за тетовирање во Хов, Источен Сасекс, рече: „Само ми снемува видлив простор и имам речиси четири слоја различни тетоважи на моето тело. Со тетовирањето, штом ќе ја снема видливата кожа, има ограничен простор за нови дизајни. Ставив зелено и бело мастило на врвот на црното. Не ми остана празна кожа, но таа доби нова форма“.

Ели вели дека добива смешни погледи од странци, но останува посветен да го покрие целото тело со мастило.

„Тоа е како да сликате ѕидови – можете да ставате слоеви боја една врз друга“, рече тој.

Но прашањето е како ќе излгеда Ели за десет години од сега или на стари години?

„Уметноста и тетоважите се развиваат – со текот на времето станува се поинтересно“, рече тој. „Во текот на мојот живот имав околу 10 различни изгледи. Мојот сегашен изглед е сосема поинаков од пред пет години“.

Ели патувал многу за да направи тетоважи, вклучително и во Русија, Германија и Италија.

„Патував да работам во различни земји и добивав тетоважи од уметници на кои им се восхитувам“, рече тој.

Студиото за тетовирање на Ели било отворено минатиот мај. Ели работи исклучиво на рачно нацртани и рачно насликани дизајни, фокусирајќи се на религиозни слики и дизајни под влијание на Азија.

Тој верува дека луѓето не треба да ги сфаќаат туѓите тетоважи премногу сериозно.

„Ако купите фустан, не мислите дека има длабоко значење. Тетоважите можат да бидат исти“, рече тој. „Можете спонтано да направите тетоважа и таа станува значајна со текот на времето“.

Тој признава дека се соочил со агресија поради неговиот изглед, но вели: „Кога ги кршите социјалните бариери, некои луѓе се чувствуваат загрозени. Ќе се соочите со последици до крајот на животот“.

Ели советува да не правите тетоважи на лице, освен ако не сте уметник за тетоважи, бидејќи тоа може да влијае на изгледите за работа и општественото прифаќање.

„Да не бев уметник за тетоважи, веројатно ќе го истетовирав целото тело, но ќе го оставев лицето празно“, рече тој.

Ели, исто така, има црни инјекции во очите за да ги потемне и ставил етиопска плоча од 3 инчи во долната усна, подоцна санирана со реконструктивна операција. Тој ја гледа модификацијата на телото како природен следен чекор.

„Откако сте направиле сè друго, каде одите? Можеби ќе се префрлам на пластична хирургија бидејќи се останато е направено“, рече тој. „Тоа е како да пробате сè од менито на Мекдоналдс во текот на 10 години, а потоа тие пуштаат нов бургер. Никогаш не завршува“.