Повеќе од половина од луѓето претпочитаат да гледаат телевизија со своите кучиња отколку со своите партнери

Врз основа на новото истражување, 43% од Американците повеќе би сакале да гледаат филм со кучето отколку со партнерот.

Според анкетата на 2.000 сопственици на кучиња во САД, оние кои се во врска рекле дека нивните кучиња се подобри придружници затоа што не ги прекинуваат (44%), не поставуваат прашања (42%) и се подобри гушкачи (35%).

Нарачана од производителите на храна за домашни миленици „ACANA“ и спроведена од „Talker Research“, студијата покажа дека 95% гледаат филмови и серии со своите кучиња дома – 63% рекле дека тоа го прават тоа на честа основа.
Повеќето од нив (93%) изјавиле дека нивните кучиња се способни да обрнат внимание на екранот, а третина (30%) велат дека претпочитаат класични ТВ емисии и класични филмови. Така, дури и нашите крзнени најдобри пријатели не можат да се заситат од класиците.

Жанровите што луѓето веруваат дека нивните кучиња ги претпочитаат вклучуваат природа (29%), цртани филмови (25%), авантури (18%), комедии (16%) и драми (10%).

Над три од четири (77%) рекле дека понекогаш ќе го остават вклучен телевизорот или радиото за своето куче кога ќе ја напуштат куќата, дозволувајќи им на нивните кучиња да гледаат или слушаат цртани филмови во кои има кучиња или животни (28%), документарци за природата (23 %) или класични музички станици (10%).
Шест од десет (63%) рекле дека ќе имаат поголема веројатност да гледаат филм или шоу ако вклучува куче како лик. Понатаму, 73% веројатно ќе гледаат ако кучето е дел од главната екипа, дури и ако тоа е жанр што вообичаено не би го гледале. 72% од сопствениците на кучиња рекле дека уживаат или имаат убави спомени од модерни и класични филмови во кои главни ликови се кучињата.

„Не е изненадувачки што луѓето повеќе би сакале да гледаат филмови со своите кучиња отколку со нивните партнери! Кучињата навистина се совршен филмски придружник, и исто како и секој друг аспект на чувањето на домашни миленици, луѓето сакаат да се погрижат нивните миленици да бидат вклучени во нивните омилени занимации, вклучително и гледање класични филмови и ТВ емисии“, рече Елинор Блекмер, бренд менаџер за „ACANA“.

„Нашите миленици се дел од семејството – веруваме дека и тие треба да бидат вклучени и хранети како нас“.
Резултатите исто така покажаа дека 32% ги именувале своите кучиња по познати ТВ и филмски ликови, при што 46% од нив изјавиле дека нивните кучиња изгледаат слично на ликот по кој го добиле името.

Исто така, 16% рекле дека ги именувале своите кучиња по познат актер или актерка, вклучувајќи ги Том Круз, Расел Кроу, Леонардо ди Каприо, Џон Вејн, Џон Сина, Хемфери Богарт, Џорџ Клуни, Елизабет Тејлор, Дени Де Вито, Конан О’Брајан и Шер. 40% рекле дека нивните кучиња изгледаат слично на актерите и актерките по кои ги добиле имињата.

Половина од Американците велат дека веројатно ќе ги именуваат сите идни кучиња што ги поседуваат по познат лик или актер, а повеќе од една третина (35%) од сопствениците на кучиња веруваат дека нивното куче може да биде познато и самото.