Поздравете го вашиот нов фекален фитнес тренер: Камерата за измет е сега вашиот нов здравствен асистент!

Тексашкиот стартап Throne разви камера што се закачува на вашата WC-школка и го фотографира вашиот измет.

„Throne користи камера насочена надолу која безбедно снима видео при секоја посета на тоалетот“, објаснува оваа технолошка фирма со седиште во Остин на нивната веб-страница за уредот наречен едноставно Throne.

Но, тие не го снимаат изметот за забава и смеа. Оваа наизглед „војаристичка“ технологија се користи за подетална анализа на здравјето на корисниците.

Камерата едноставно се закачува на работ од тоалетната школка и снима видео од столицата. Потоа, вештачката интелигенција обучена од доктори го анализира изметот и дава информации за дневната „дигестивна и хидратациона состојба“ на корисникот.

„Тоа е ефикасен и неинвазивен начин за следење на целокупното здравје“, додаваат од компанијата. „А за луѓето со хронични стомачни заболувања, ова е суштински дел од континуираното управување со здравјето.“

Сепак, ваквото снимање на фекалиите предизвикува некои загрижености за приватноста. Како што покажаа безброј ситуации во Airbnb, не постои ништо понепријатно од камера во бањата, а уште помалку во WC-школката.

Меѓутоа, Throne ги уверува идните корисници на својата страница дека разбираат колку е оваа здравствена информација „лична и чувствителна.“

За да ја заштити приватноста на корисниците, дигиталниот снимач ги снима само „содржините во WC-школката“. „Секоја друга снимка не е релевантна за нашата мисија и може да го загрози квалитетот на нашите здравствени информации“, изјавуваат од Throne. „Користиме технологија за препознавање слики за автоматски да бришеме непотребни слики. Ова осигурува дека се задржуваат само податоци поврзани со WC.“

Корисниците исто така можат да побараат целосен пристап до нивните податоци и компанијата ќе ги избрише на барање (не мора да се грижите дека податоците ќе бидат хакирани и испратени во некој „фекален фетиш“ круг).

Најдобро од сѐ, сите податоци се „анонимизирани“, што значи дека не можат да се поврзат со конкретен корисник.

Камерата за тоалет чини 499 долари, но компанијата ја продава за 299 долари за оние кои сакаат рано да ја купат. Па што чекаме? Дај да ја фатиме на попуст…