Предизвикале експлозија која потресла неколку градови, поради прилично глупава причина

Да се дознае полот на бебето може да биде потресен момент за некои родители, но обично само во метафоричка смисла.

За едни родители влијанието на откритието беше многу буквално, бидејќи експлозија на нивната забава за откривање на полот во Кингстон, Њу Хемпшир, потресе голем број градови во јужен Њу Хемпшир и северен Масачусетс.

Полицијата одговори на повикот за „голема експлозија“ на местото на градежната компанија „Кингстон“, Торомео индустри, при што некои локални жители сугерирале дека можеби паднало големо дрво или дека земјотрес ја погодил областа.

По пристигнувањето на местото на настанот, полицискиот оддел во Кингстон утврдил дека експлозијата била предизвикана од приближно 80 килограми Танерит, купен „на црно“ што обично се користи за вежби со огнено оружје, но во овој случај бил користен за да се објави фактот дека новото бебе е момче.

Во изјавата цитирана од Си-Би-Ес во Бостон, властите велат дека гостите на забавата соработувале со детективот и го информирале дека организираат забава за откривање на пол.

Од полицијата велат: „За време на истрагата, детективот беше известен дека е избрана локацијата, каменолом, бидејќи тие сметаат дека е безбедна локација за активирање на Танеритот“.

Човекот кој го купил и активирал Танеритот се предал на полицијата и се вели дека соработува со властите. Истражителите кои работат на случајот сè уште утврдуваат какви обвиненија може да бидат покренати против него, а локалните жители изразија уверување дека тој треба да одговара.

Сара Таглиери, која живее во оваа област, ги опиша настаните како „глупости“: „Тоа не беа конфети кои ми се попречија на патот, тоа беше експлозија што ја потресе мојата куќа, соседите, заедницата и градот. Едноставно претерано и глупост.“

Друга жителка, Тина Бурафаел, рече дека експлозијата предизвикала повеќе пукнатини, бидејќи ги потресла темелите на нејзиниот дом.