„Преживеав удар од гром – и засекогаш се променив на најчуден начин“

Карли отсекогаш била фасцинирана од громовите – толку многу што дури имала три тетоважи со оваа тематика. Но, во 2023 година ѝ се случило нешто што никогаш не го очекувала – гром ја погодил додека снимала бура.

„Се наежив, а низ рацете ми минуваа бранови на трпнење. Кога се погледнав во огледало, видов дека зениците ми се огромни“.
Чувствувала како да е под дејство на некаква супстанца. „Бев целата во пот, вртоглава и речиси еуфорична.“

Но, ситуацијата брзо се влошила – одеднаш изгубила чувство во екстремитетите. „Не можев да се помрднам, ни милиметар,“ вели таа. Панично побарала од цимерката да повика брза помош.

До моментот кога пристигнала итната медицинска служба, нејзините раце и нозе биле сосема сини, а можела да мрдне само со главата и вратот.

„Иако бев будна, тешко дишев. На крајот, можев само да голтам воздух,“ се потсетува таа.
Последното што го памети пред да изгуби свест е како докторите се собираат околу неа.

Карли била дијагностицирана со кераунопарализа – привремена парализа на екстремитетите што се појавува по удар од гром.

Не можела да мрдне цели девет часа, а кога конечно почувствувала подобрување, нејзиниот говор сè уште бил неразбирлив.
Но, најголемиот шок следел подоцна – нејзините очи ја смениле бојата.

„Кога го пребарав ова онлајн, открив дека не е толку ретка појава кај луѓе кои биле погодени од струен удар,“ вели таа.
Покрај тоа, местото на главата каде што ја погодил громот останало осетливо и топло на допир, па мора внимателно да ја чешла косата околу него.

Очите пред

Очите потоа

И покрај сè, Карли не го загубила својот хумор. „Им ги покажав тетоважите на докторите и се пошегував дека отсекогаш велев – како иронично би било ако ме удри гром,“ раскажува таа.

Но, најнеочекуваната промена? Љубовниот живот ѝ процветал!

„Мажите се фасцинирани од мојата приказна. Мислам дека беше среќен удар – животот ми стана подобар откако тоа се случи,“ вели таа низ смеа.

Громот понекогаш остава и „супермоќи“

Карли не е единствената што доживеала бизарни ефекти од удар од гром.

Во 2017 година, тинејџерка од Алабама исто така била погодена од гром – и останала запрепастена кога сфатила дека ѝ се подобрил видот до тој степен што веќе не ѝ биле потребни очила.

Некои приказни звучат како сцена од суперхеројски филм – но овие луѓе ги живееле во реалност.