Професорот од Харвард, Ави Лоеб, вели дека вонземјаните можеби создаваат универзуми – вклучувајќи го и нашиот – во лаборатории, бидејќи имаат „божја” интелигенција

Физичар од Харвард е во мисија да докаже постоење на вонземски живот и верува дека ултранапредните цивилизации можеби веќе имаат способност да создадат „бебешки универзуми во лабораторија“.

Ави Лоеб – поранешен претседател на Одделот за астрономија на Харвард – рече дека овие суштества можеби дури и се одговорни за нашиот универзум.
Тој објасни за „Фокс њуз” дека цивилизацијата која е милиони години понапредна од нас можеби развила разбирање за „како да се обединат квантната механика и гравитацијата“.

Ова, теоретизираше тој, може да ги рекреира космичките услови што го доведоа неговото постоење.
Идејата за создавање живот во лабораторија можеби на повеќето им звучи неверојатно, но научниците и порано правеле едноклеточни организми, а Лоеб рече дека тоа е „квалитет што му го доделуваме на Бог во религиозните текстови“.

Меѓутоа, на многу астрономи им е преку глава од чудните тврдења на Лоеб кои ја „загадуваат добрата наука“.
Лоеб со години беше на насловните страници, почнувајќи од неговата теорија дека меѓуѕвездениот посетител Оумуамуа во 2017 година бил вонземјански занает – нешто што беше исмејувано или критикувано од повеќето мејнстрим научници.

Лоеб долго време тврдеше дека „бебешките” универзуми можат да се создадат во лаборатории, што е можно само со технологии на квантна гравитација, комбинација од два столба на модерната физика: квантна механика и гравитација.
Квантната механика е гранка на научното истражување што се обидува да објасни и постави правила за тоа како се однесуваат честичките помали од атомот.
Заедно, столбовите обезбедуваат конзистентен и целосен опис на природата на гравитацијата на квантно ниво и ни помагаат да го разбереме однесувањето на универзумот на неговото најфундаментално ниво.
Во авторски текст за „Scientific America”, Лоеб напиша: „Не поседуваме предвидлива теорија која ги комбинира двата столба на модерната физика. Но, понапредна цивилизација можеби го постигнала овој подвиг и ја совладала технологијата за создавање мали универзуми“, напиша тој.

За време на интервјуто за „Фокс Њуз”, Лoеб рече дека е „арогантно од нас да мислиме дека сме сами“, имајќи предвид дека има „десетици милијарди планети само во галаксијата Млечен Пат и стотици милијарди галаксии како Млечниот Пат во забележлив волумен на универзумот”.
„Можеби забележувањето на соседот ќе биде повик за будење што ќе не зближи“, рече Лоеб, зборувајќи за човештвото како целина.
„Можеби има многу повеќе соседи кои се многу поуспешни од нас и можеме да научиме од нив.
Значи, мојата надеж е дека тоа ќе го донесе човештвото на подобро место во долгорочна иднина”.