Пронајден најстариот кармин на светот и тоа во земја којашто некогаш ја забрануваше шминката!

Археолозите ја открија најстарата физичка форма на кармин во светот во југоисточен Иран.

Рачно врежаната камена вијала, од јаглерод која датира помеѓу 1936 п.н.е. и 1687 г. п.н.е., е направена од минерал хлорит, вклучува дупка на врвот за извлекување на содржината и која веројатно се ставала со четка.

Истражувачите минатиот месец го анализираа темно-црвениот производ за убавина и ги објавија своите наоди во „Scientific Reports“.

Научниците спомнаа дека цилиндерот првично бил откриен во 2001 година од гробиштата од третиот милениум п.н.е. во близина на реката Халил во провинцијата Керман, во југоисточен Иран. Вијалата за која се веруваше дека ја користела културата Џирофт, цивилизација од бронзеното време, била непозната додека не се случила поплавата.

Кога бил ставен под микроскоп, истражувачите забележале дека темните пигменти на карминот се видливи, што укажува на тоа дека оригиналниот производ бил во „интензивна црвена боја“, објави тимот.

Иако карминот постои најмалку 5.500 години, истражувачите беа изненадени кога го пронајдоа најстариот кармин на светот познат во Иран – земја која некогаш забрануваше шминка и козметика. Земјата ги елиминираше производите за убавина по Исламската револуција во 1979 година, но на крајот ги олабави ограничувањата, дозволувајќи им на само жените кои не работат во владата и студентите по медицина да носат шминка.

Додека тимот на Видал бил фасциниран од откривањето на најстариот кармин, тие не биле сигурни на кого му припаѓа, но претпоставувале дека е дел од погребните ритуали на Џирофт, закопан во гробот.

„Овде пипкаме во темнината“, напиша тој. „Можеме да претпоставиме дека мртвите биле украсувани за нивното последно патување, но исто така и дека козметиката била важна лична сопственост за секојдневна употреба и дека, по смртта на поединецот, карминот не би можеле да го користат другите“.