Пронајдена нараквицата што исчезна од Египетскиот музеј во Каиро – претопена за само 3.700 долари

Историското златно парче, старо околу три илјади години, беше одземено од Музејот во Каиро додека се наоѓаше на реставрација. Министерството за културно наследство информираше дека кражбата ја извршил токму еден од реставраторите.

По кражбата, нараквицата била продадена на сопственик на златарница, кој ја препродал на златарски мајстор од трговскиот дел во Каиро. Сумата? Околу 3700 американски долари. На крајот, обичен работник во занаетчиска работилница ја претопил од непроценливо наследство во банален накит.

Во акцијата се уапсени тројца осомничени: реставраторот, златарот и мајсторот од работилницата. Полицијата ја одзеде паричната добивка од продажбата на украдениот накит, но историјата не може да се врати назад.

По драмата, музејот формира специјална комисија и започна проверки на сите предмети во реставраторската лабораторија. Украдената нараквица требаше да биде дел од изложбата „Сокровиштата на фараоните“ во Италија идниот месец, но сега таму ќе остане само празно место.