Првиот познат хибрид куче-лисица, познат како „догксим“, е откриен во Бразил откако бил удрен од автомобил и однесен на ветеринар

Првиот потврден хибрид куче-лисица, наречен „догксим“, е пронајден во Бразил. Животното било откриено откако било удрено од автомобил и однесено на ветеринар во 2021 година, но персоналот не можел да открие дали младата женка е куче или лисица.

Научниците од локалните универзитети направија обемни генетски тестови и утврдија дека таа е половина – нејзината мајка е лисица пампас, а нејзиниот татко домашно куче.
Тие забележале дека таа има необична мешавина од карактеристики на куче и лисица, со големи шилести уши, густо крзно и долга тенка муцка. Иако била многу внимателна кон луѓето, таа се заиграла со нив, па дури и дозволила да ја галат.
Одбила храна, но јадела живи глодари, лаела како куче и понекогаш си играла со играчки, но се движела како лисица. Таа почина на почетокот на оваа година од непознати причини, но научниците веруваат дека можеби можела да се репродуцира.

Флавија Ферари, конзерватор, кој работеше со животното за време на нејзиното закрепнување, изјави за „Телеграф“: „Таа беше неверојатно животно, навистина хибрид помеѓу лисица пампас и куче. Не беше толку послушна како куче, но исто така ја немаше агресивноста што се очекува од дивите животни кога се дружите со него. Таа била срамежлива и претпазлива личност, генерално претпочитала да се држи настрана од луѓето. Со текот на времето откако била хоспитализирана на лекување, почнала да се чувствува побезбедна“.

Се смета дека ова е првиот снимен случај на размножување лисици и кучиња. Генетските тестови откриле дека таа има 76 хромозони – комбинација од 74-те на лисицата и 78-те на кучето. Тимот ги објави своите наоди во списанието „Animals“ и верува дека можеби има повеќе догксими во дивината. Домашните кучиња претходно се вкрстувале со диви видови, вклучувајќи којоти и волци.