Redlove – Нова сорта на јаболка која го освојува светот

Можеби е предоцна за Денот на вљубените, но луѓето се заљубуваат во јаболко кое не само што има црвена внатрешност, туку и форма на срце.

Јаболката Redlove, кои имаат форма на срце кога се делат на четвртинки, имаат кисел вкус во споредба со другите сорти, но исто така се и 15-20 побогати со антиоксиданси, кои се молекули за кои се смета дека ги одржуваат клетките здрави.

Јаболкото, кое исто така е поотпорно на краста од другите од семејството на плодовите, се одгледува само комерцијално во Аделаида Хилс, Австралија и се продава од одгледувачката кооперација Lenswood Apples.

Комерцијалниот менаџер на Lenswood, Хамиш Франкс, рече дека бојата и вкусот ги издвојуваат Redloves.

„Однадвор изгледа како стандардно црвено јаболко со црвена кора. Дури кога ќе го преполовите или кога ќе гризнете, ќе сфатите дека има црвено месо. Вкусот е сличен на зелените јаболка, киселкаст, остар и само малку сладок. Поради црвената пигментација, кога се сече не оксидира толку брзо како другите јаболка“

Redlove е исто така идеален за додавање боја на печените десерти бидејќи црвената боја станува пожива кога се готви.

Redloves беа развиени со вкрстување на голем број други видови јаболка во Швајцарија. Тие првпат дојдоа во Австралија во 2018 година, каде што имаат дозвола да се одгледуваат само од Lenswood.

Сепак, семињата се достапни за одгледување во приватни градини.