Регрутерка ги открива „црвените знамиња“ коишто ќе ве оддалечат од вашата посакувана работна позиција на првото интервју за работа

Регрутер со повеќе од една деценија искуство во струката, ги сподели најголемите „црвени знамиња“ кои веднаш ќе ги оттргнат работодавците од вашето вработување.

Емили Левин – извршен потпретседател во „Career Group Companies“, од Лос Анџелес, Калифорнија, која работи на регрутирање од 2010 година – неодамна изјави за „Business Insider“ за најлошите работи што луѓето можат да ги прават додека се среќаваат со потенцијалните нови работодавци.

Таа објасни дека начинот на кој се справувате со себе и информациите што ги откривате за време на интервјуто за работа е од витално значење. И според Емили, постојат неколку едноставни грешки кои луѓето ги прават и кои често ги чинат работна позиција.

Прво, таа предупреди да не споделувате премногу за тоа што очекувате од позицијата на почетокот. Таа, исто така, рече дека навидум „премногу желни луѓе за напредок“ може да биде главното црвено знаме за работодавците. Вие се вработувате за одредена позиција, не за 3 позиции понапред во вашата кариера.

Покрај тоа, Емили им препорача на луѓето да истражуваат што повеќе за компанијата во која аплицираат пред да одат на интервју.

„Дури и ако им е дадено името на човекот со кого се среќаваат, некои луѓе се појавуваат целосно незаинтересирани и немаат поим за ништо за компанијата или личноста со која разговараат“, објасни таа.

Ако ви е планирано да имате виртуелно интервју, а не лично, Емили додаде дека местото каде што ќе одлучите да го направите тоа е важно повеќе отколку што мислите. Таа рече дека работодавците може да бидат незадоволни ако го правите интервјуто додека работите нешто друго или ако изгледате „премногу удобно“ за време на разговорот или пак да возите.

Таа, исто така, се присети еднаш дека еден клиент направил интервју додека лежел во кревет и гледал телевизија.Таа истакна дека начинот на кој се претставувате за време на интервјуто е поважен од кога било, бидејќи компаниите „се многу повнимателни“ за тоа кого вработуваат во последно време.

А помладите баратели на работа се соочуваат со уште потежок пат бидејќи таа призна дека многу работодавци имаат однапред смислени стереотипи за генерацијата „Z“.