„Револуционерна“ студија направена врз близнаци покажува дека веганството го подобрува здравјето на срцето… за само осум недели!

Веганството го намалува ризикот од срцеви проблеми кај луѓето за неколку недели, вели уникатна студија, направена врз близнаци.

Браќата и сестрите кои следеле веганска исхрана имале „значително“ понизок холестерол, подобро ниво на шеќер во крвта и повеќе губење на тежината за само два месеци од оние кои јаделе сешто.

И покрај врските на веганството со други здравствени проблеми како анемија и депресија, истражувачкиот тим во Калифорнија верува дека овие наоди укажуваат на помал ризик од срцеви заболувања, бидејќи холестеролот, шеќерот во крвта и тежината се сите фактори на ризик.
Д-р Кристофер Гарднер, истражувач за исхрана на Универзитетот Стенфорд, вели дека студијата обезбедила „револуционерен начин да се потврди дека веганската исхрана е поздрава од конвенционалната исхрана на сештојади“.
Во студијата учествувале 22 пара идентични близнаци со просечна возраст од 39 години. Од учесниците, 77 отсто биле жени.

Огромното мнозинство – 73 проценти – биле белци. Ниту еден од учесниците немал кардиоваскуларни проблеми или бил дебел. Нивниот просечен БМИ бил 25,9, што покажува дека учесниците имале малку прекумерна тежина. Тимот избрал да проучува близнаци бидејќи тие имаат слична генетика и начин на живот.

Истражувачите од Универзитетот Стенфорд и Универзитетот во Калифорнија – Ирвин побарале од еден близнак од секој пар да следи веганска исхрана, додека другиот близнак јадел потипична исхрана на сештојади.

Двете диети вклучувале зеленчук, мешунки, овошје и цели зрна. Шеќери и рафинирани житарки како бел леб и тестенини не биле вклучени во ниту еден план.
Веганската исхрана не вклучувала месо или производи од животинско потекло, додека исхраната на сештојади вклучувала пилешко, риба, јајца, сирење, млечни производи и други животински производи.

Близнаците беа интервјуирани за нивната исхрана и водеа дневници за тоа што јаделе. Диететичар беше на готовс да понуди предлози и да одговори на прашања.

Истражувачите ја земале тежината и крвта на учесниците во три периоди во текот на студијата: на почетокот на испитувањето, по четири недели и по осум недели. Веганите, покажале пад на инсулинот за околу 20 проценти – повисоките нивоа на тоа може да ја зголемат веројатноста за дијабетес. Дополнително, веганите изгубиле 4,2 килограми повеќе од сештојадите.

„Врз основа на овие резултати и размислувањето за долговечноста, повеќето од нас би имале корист ако се свртиме кон растителна исхрана“, рече д-р Гарднер.

Од 44 учесници, 43 ја завршија студијата.

Д-р Гарднер рече: „Нашата студија користеше генерализирана диета која е достапна за секого бидејќи 21 од 22 вегани ја следеа диетата“.

„Ова сугерира дека секој што избира веганска исхрана може да го подобри своето долгорочно здравје за два месеци, а најмногу промени беа забележани во првиот месец“.