Садел цвеќиња цели 2 години за да ја израдува својата слепа сопруга – сега нивната розова фарма привлекува и до 7000 посетители на ден

Цветовите се одличен начин да ги изразите вашите чувства кон некого. Црвените рози велат: „Те сакам“, но цела градина со розови цвеќиња вреска од „те сакам“.

Г-дин и г-ѓа Куроки се венчале во 1956 година, а г-ѓа Куроки му се придружила на својот сопруг на неговата фарма за млеко во Шинтоми, Јапонија оттогаш. Двојката живееле исполнет живот и имаат две деца. По 30 години брак, двојката планирала да се пензионира и да патува низ Јапонија, но тие планови набрзо пропаднале.

Кога имала 52 години, г-ѓа Куроки го изгубила видот поради компликации од дијабетес. Нејзиното слепило силно ја погодило и почнала да седи дома цел ден. Г-дин Куроки знаел дека неговата сопруга е депресивна и сакал да направи нешто за да ја расположи. Тој забележал дека некои луѓе застануваат да му се восхитуваат на неговата мала градина со розови цвеќиња шибазакура (исто така познати како мов флокс) и добил идеја. Тој не можел да ја одведе својата сопруга да го види светот, па морал да го натера светот да дојде кај неговата сопруга.

Г-дин Куроки одлучил да засади повеќе цвеќиња во својата градина, надевајќи се дека тие ќе привлечат повеќе посетители и ќе ја развеселат неговата сопруга. Знаел дека таа нема да може да ги види, но ќе може да ги помириса, а нивната пријатна арома може да ѝ донесе малку радост. Г-дин Куроки поминал две години садејќи илјадници цвеќиња само за да може да го насмее лицето на неговата сопруга.

Планот успеал и прекрасната градина почнала да ги привлекува посетителите кај нив. Една деценија откако г-дин Куроки за прв пат ја засадил градината, неверојатната љубовна приказна зад неа ја претвори млечната фарма во рурална Јапонија во голема туристичка атракција.

Градината привлекува до 7.000 луѓе дневно кога цвеќињата цветаат во март и април. Нивната штала, во која некогаш имале 60 крави, е претворена во изложба во која се раскажува нивната љубовна приказна. Што е најважно, г-ѓа Куроки ги сака посетителите и може да се види како шета низ градината со нив.