„Сакам да бидам како него“ – Погледнете што имаат да кажат еден за друг двете ѕвезди во спортот со кои се гордее Србија

Никола Јокиќ и Новак Ѓоковиќ постигнаа навистина големи успеси овој период.

Српскиот професионален кошаркар, Никола Јокиќ, e најзаслужен за водството на Денвер Нагетс до нивниот прв шампионат во НБА , со победата над Мајами Хит во понеделникот. Нагетс ги победија Хит со 94-89 во натпреварот 5, а Јокиќ придонесе со 28 поени, 16 скока и четири асистенции.

Додека исто така Новак Ѓоковиќ ја пишува својата историја во тенисот. Со повторното освојување на Отвореното првенство на Франција, тој ја прекина врската со Рафаел Надал за најмногу грен слем титули во кариерата на машката страна.

Ѓоковиќ пласираше во триесет и четири финалиња на Грен слем турнирите. Тој го победи Роџер Федерер четири пати (од пет) во финалињата на Грен слем.

Во неделата, на стадионот Ролан Гарос во Париз  Ѓоковиќ не изненадувачки го победи Норвежанецот Каспер Руд, дванаесет години помлад од него. Тоа беше дваесет и трета титула за Ѓоковиќ во сингл на Грен слем турнир. Никој во машката игра не победил повеќе.

Па еве што имаат да кажат еден за друг за големите победи што ги постигнаа периодов.

Никола Јокиќ за Новак Ѓоковиќ:

„Тој е човекот што ја претставува Србија на многу поголема сцена. Тој е српски амбасадор. Тој е идол на децата во Србија не само поради работите на теренот, туку и поради работите што ги прави неговата Фондацијата. Сакам да бидам како него“.

Новак Ѓоковиќ за Никола Јокиќ:

„Мислам дека никој не може да го прави тоа што го прави тој во моментов во кошарката. Тој е дефинитивно најдобриот кошаркар во светот. Навивам за него, тој е неверојатно момче, тој е гордоста на Србија, ние сме толку горди од него, се надеваме дека ќе го освои својот прв прстен“.