Само пет минути на ден: Доказ дека и најкратките вежби можат да имаат големо влијание врз вашето здравје
Дури и најкратките вежби може да имаат моќно влијание врз вашето здравје, покажува нова студија од Универзитетот Едит Кауан во Австралија. Истражувањето објавено во European Journal of Applied Physiology открива дека само пет минути вежбање сила дневно може значајно да го подобри физичкото и менталното здравје.
Како изгледаат „мини“ вежбите – и зошто функционираат
Во студијата учествувале 22 здрави, но физички неактивни лица. Нивната рутина се состоела од едноставни ексцентрични вежби: чучнувања на стол, свиткување на стол, склекови на ѕид и скокање на пети – сè со сопствена телесна тежина.
По четири недели, учесниците забележале:
• Подобрена мускулна сила и флексибилност
• Подобра издржливост
• Намалена срцева фреквенција после вежбање
• Подобрено ментално здравје
Вежбање за зафатени луѓе – без опрема и без изговори
Спортскиот лекар д-р Кен Носака нагласува дека ваквиот тип на вежбање е лесно достапен за сите – не бара теретана, скапа опрема или многу време. Поради својата едноставност, ваквата рутина е идеална за луѓе со напорен распоред.
Интересен факт: 83% од учесниците изјавиле дека продолжиле со вакви вежби и по завршувањето на студијата – доказ дека кратките, но ефективни тренинзи имаат потенцијал да станат дел од секојдневната навика.
Коментирај анонимно