Сцена што го трогна светот: Верното куче Креспин не сака да се раздели од својот покоен сопственик
Срцепарателно видео кое се појави на интернет покажува верно куче како се обидува да го откопа својот сопственик за време на неговиот погреб.
Корисници на социјалните мрежи со солзи во очите беа допрени од постапките на малото куче Креспин, кое не можеше да се раздели од својот најдобар пријател и сопственик
Хасинто, кој починал по долга болест. Според братучедот на покојниот, Креспин не се оддалечувал од Хасинто во текот на целото негово боледување и бил покрај него и во моментот на смртта.
„До последниот миг бил со него“
За време на погребот, лојалниот Креспин очигледно не можел да сфати зошто неговиот сопственик се спушта во земјата. Во видеото што стана вирално, со над 5,4 милиони прегледи на TikTok, се гледа како кучето се обидува очајно да го „спаси“ својот пријател. Работници на гробиштата започнуваат да го покриваат ковчегот со бетонски плочи, а Креспин скока врз нив, ги душка и се обидува да погледне долу.
Дури и откако гробот беше покриен, кучето продолжили да копа покрај местото, надевајќи се дека ќе го најде својот сопственик. „Кога беше болен, Креспин не се одделуваше од него. До последниот ден беше со него“, гласеше описот на видеото.
Љубовта помеѓу кучињата и луѓето е незаменлива
Еден корисник напиша: „Само сакаше да го почувствува уште еднаш“. Друг додаде: „Се надевам дека некој од семејството ќе го прифати Креспин и ќе му даде љубов“.
Научниците неодамна објавија дека кучињата стануваат сè поемотивни и приврзани кон луѓето, поради зголемување на хормонот на блискост – окситоцин. Според нив, светот се движи кон „нова ера на припитомување“ на кучињата, каде нивната наклонетост е клучот за поблизок живот со луѓето.
Zatoa koga nekoj maltretira zivotno, matretirajte go i nego dolgorocno i nezaboravno hahahahaha
Коментирај анонимно