Се огласија осомничените во случајот „хоророт од детската градинка“! Што имаат да кажат на сево ова злонамерните „НЕГУВАТЕЛКИ“?

Пет работници во дневен престој во Мисисипи се обвинети за злоупотреба на деца, откако се појави шокантно видео од еден од работниците како носи застрашувачка маска за Ноќта на вештерките за да ги преплаши „лошите“ деца.

Работниците во „Lil’ Blessings“ беа обвинети оваа недела.

Ужасното видео кое стана вирално на почетокот на овој месец, покажува како негувателите плашат повеќе мали деца затоа што „лошо“ се однесувале. Една од работничките може да се слушне како му вели на маскираното чудовиште да избегнува одредени мали деца кои „биле добри“.
Окружниот обвинител се состана со родителите на децата вклучени во инцидентот во Центарот за грижа и учење за деца и ги информираа за можните кривични пријави кои законот ќе им дозволи да ги следат.

Њуман, Шелтон, Килбурн и МекКендлес се соочуваат со три точки од обвинението за злоупотреба на деца, а Хатсон се соочува со две обвиненија за непријавување на злоупотреба, според „ABC News“.

Сиера МекКендлес, позната и како „CeeCee“ кај децата, била онаа која стои зад маската за Ноќта на вештерките налик на „Scream“.

На едно од ужасните видеа, МекКендлес е видена како ги грабнува децата кои преплашени бегаат додека таа се приближува неколку сантиметри од нивните лица.

МекКендлес објави видео со извинување претходно овој месец, откако видеото стана вирално и рече дека инцидентот „не бил наменет да наштети никому“ или да биде „намерен“.

Злонамерниот трик започнал откако „CeeCee“ ја купила маската во обид да ја исплаши својата колешка.

„Накратко, ги купив маските за да ја исплашам на крајот и тие беа употребени несоодветно“, рече „CeeCee“ во 19-минутното видео со извинување.

Таа работела во објектот четири години, откако првпат започнала кога имала 16 години.

Во текот на видеото на „CeeCee“, таа објаснува дека малите деца реагирале емотивно затоа што „тие се деца“.

„Сакам да кажам пример, знам дека изгледа така како што изгледа, но не мора да биде така“, објасни CeeCee.
„Се сеќавам дека минатиот Божиќ овие деца што се фотографираа со Гринч и го натераа да се крие во грмушката и да ги исплаши, а луѓето мислеа дека тоа е смешно… во суштина тоа е истото. Тоа е истата ситуација“.

Таа подоцна додаде: „Тие знаеја дека сум јас, и ја имаа реакцијата што ја направија затоа што се деца и тоа е тоа“.

CeeCee не го објави видеото на нејзиниот личен профил на социјалните мрежи, туку преку трет корисник по име Ричард МекКендлес.
Една од другите обвинети жени, Џенифер Кајла Њуман која тврди дека ги снимила видеата, сподели долг одговор на „Фејсбук“ во четвртокот, велејќи дека ги снимила инцидентите не затоа што мислела дека е смешно, туку затоа што се обидувала да им покаже на родителите како ги забавуваат децата.

„Не го снимив ова за да се смееме. Не ми беше смешно. Не добив забава од ова. Оној што вреска во лицата на децата НЕ сум јас. Оној што стои до девојката што вреска НЕ ​​сум јас. Тоа смеење во видеото НЕ сум јас“, напиша Њуман на „Фејсбук“.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!