Сè повеќе наставници ја напуштаат професијата – и не тоа не е поради ниската плата
Во последниве години, сè поголем број учители одлучуваат да ја напуштат наставата — не само поради ниските плати, туку и поради драматичните промени во начинот на учење кај учениците. Најнов пример е Хана Марија, поранешна наставничка по англиски јазик во средно училиште, која стана вирална поради нејзиното искрено видео во кое вели: „Технологијата ја уништува образованието.“
Учениците поретко читаат и пишуваат
Марија сведочи дека учениците сè поретко читаат или пишуваат, бидејќи технологијата им нуди опција сè да им биде прочитано или автоматизирано. Вели дека вниманието им е сведено на неколку секунди — не гледаат ни филмови на час, туку се лепени за телефоните. Обидите да ги вклучи во рачно пишување предизвикуваат отпор, фрустрации и дури агресија. „Ако побарам само еден пасус, добивам превртување со очите и избувнувања,“ додава таа.
Оваа криза на писменост не е само прашање на училиште, туку и на општеството — новите генерации не ги разбираат ни основните документи на демократијата. Марија не ја обвинува целосно младината, туку смета дека постарите генерации не нагласиле доволно колку се важни читањето, пишувањето и математиката.
Технологијата треба да се ограничи
Таа апелира: технологијата треба да се ограничи барем до колеџ, за да се вратат фокусот, дисциплината и основните вештини. Иако најголемата причина за напуштањето на професијата ѝ е ниската плата, Марија искрено вели дека, ако учениците покажуваа интерес и труд, таа би останала.
Коментирај анонимно