Сега слават 30 годишнина од нивната љубов и се заедно од средно училиште! Ѕирнете ја љубовната приказна на Снуп Дог и Шанте Бродус која е испреплетена со многу подеми и падови

Снуп Дог и Шанте Тејлор Бродус се заедно повеќе од 30 години, а 25 од нив се во брак. Овој брак е еден од најдолготрајните во шоу-бизнисот. И иако имаа подеми и падови, тие се сакаат со целото свое срце и веќе имаат 5 внуци.

Снуп и Шанте се запознале кога учеле во средното политехничко училиште Лонг Бич. Меѓутоа, во тоа време Снуп бил познат под името Калвин Кордозар Бродус Џуниор. Идните сопружници првпат се сретнале на фудбалски натпревар во средно училиште, а тој го побарал нејзиниот телефонски број. Но, таа му го дала дури кога се сретнале по втор пат, а тој морал да моли за тоа.

Раперот се присетува дека долго време морал да и се додворува на Шанте така што и праќал љубовни писма и ѝ се јавувал на телефон. Според Снуп, тие се бакнале за прв пат дури по 4 месеци врска. Се зближил со мајката на Шанте, па се случило почесто да разговара со неа на телефон отколку со својата девојка.

Шанте Бродус рекла: „Ќе дојдев дома, а тој ќе беше кај мене дома и ќе разговара со мајка ми! Тие станаа навистина блиски, а сега сме во брак со деца. Така започна сѐ“.

Талентот на Снуп се открил уште кога тој бил на училиште. Играл фудбал и рапувал на забави. И Шанте го поддржувала нејзиниот иден сопруг, „Уште пред да излезе како музичар, нашите пријатели и јас бевме негови обожаватели. Ние секогаш ги слушавме неговите песни и дававме свое мислење“.

Шанте секогаш била покрај него на почетокот на кариерата, обидувајќи се да ги извршува обврските на негов менаџер и да се прилагоди на неговата растечка популарност. Но, ова понекогаш не било толку лесно да се направи.

Имале тежок период во нивната врска кога сите во неговиот близок круг го охрабрувале да раскине со Шанте. Сите освен раперот Тупак Шакур. Снуп решил да го послуша советот на својот пријател кој се покажал како еден од највредните во неговиот живот.

Двојката се венчала во јуни 1997 година.

Додека бил на училиште, Снуп имал романтична врска со друга девојка, Лори Холмонд. По дипломирањето, тие продолжиле да се забавуваат, што резултираше со нивниот заеднички син Џулијан. Но, раперот не ги напуштил, го признал синот и им плаќал за сѐ понатаму.

Шанте му го простила неверството на сопругот и не поднела барање за развод. И во јуни 1999 година, парот ја добил ќерката, Кори. Така, Снуп Дог стана татко на 3 сина и една ќерка.

За жал, имало и други кризи во врската на парот. Бракот на Снуп и Шанте речиси се распаднал во 2004 година. Поради притисокот на славата и постојаните турнеи, нивната врска почнала да се распаѓа, а раперот поднел барање за развод поради непомирливи разлики. Но, сепак имало надеж во љубовната приказна на овој пар.

Во 2005 година, сопружниците се соочиле со трагедија. На лицето на нивната 6-годишна ќерка Кори се појавила светла дамка. А неколку недели подоцна почнала да слабее и косата да и паѓа. Долго време никој не можел да понуди дијагноза за девојчето.

Состојбата на девојчето се влошила. Конечно, лекарите им кажале на Снуп и Шанте дека нивната ќерка има или рак или лупус. Оваа вест ги шокирала. „Секогаш мислиш дека тоа ќе му се случи на некој друг. Некои денови во студио, само би плачел“, рече Снуп Дог . Неколку дена подоцна, дијагнозата на лупус била потврдена.

Биле потребни месеци за да се стави болеста под контрола и на крајот, Кори почнала да се чувствува подобро. Ова трагично искуство ја направило двојката само посилна. Во едно интервју, Шанте и Снуп рекоа: „Неверојатно е како сето тоа испадна. Ќе се разведевме. Но, немаше да го поминеме тоа. На тоа се сведуваше. Лупусот на Кори ни покажа дека треба да бидеме заедно засекогаш“.

Музичарот рекол дека кога се вратил дома повторно се заљубил во сопругата и децата. „Оваа музичка индустрија е мајка, човеку, и ќе ви го земе видот и ќе го замати. Но, Бог е добар, па разбирам дека ми требаат мојата сопруга и моите деца во мојот живот – па ги фрлив хартиите. Не сакам да се разведам“.

А Шанте откри дека Снуп им се извинил на децата и споделил како се чувствува. И покрај тоа што тој период бил болен за Шанте, таа е сигурна дека простувањето било она што помогнало да се обнови нивната врска бидејќи не можела да замисли да се омажи за некој друг или да сака друга личност толку силно како што го сака Снуп.

Во јуни 2008 година, парот ги обнови брачните завети пред 200 најблиски пријатели и семејството.

Се чинело дека сите нивни тешкотии се оставени зад себе и нивниот семеен живот се врати во нормала – Снуп Дог ги сними и објави неговите песни, а Шанте му помогна. Но, одеднаш во 2018 година, моделот на „Инстаграм“ Селина Пауел откри дека имала афера со раперот. Таа, исто така сподели слики од екранот на текстовите и видеата што тој и ги испраќал.

Изненадувачки, Снуп реагираше на ова со шеги, а Шанте сподели фотографија од нејзиниот венчален прстен на „Инстаграм“, со што стана очигледно дека не е загрижена за тврдењата на Селина. Подоцна, Пауел призна дека ѝ било здодевно и сакала да „каже нешто навредливо“.

Во едно интервју, раперот откри дека му е жал за грешките што ги направил за време на врската со Шанте: „Немав разбирање што и правам, како ја повредувам и како се изневерувам. Се изневерував додека не станав маж и не сфатив дека треба да ја сакам оваа жена која ме сака и има мои деца. Требаше да го ставам мојот живот во перспектива и да дозволам мојата музика и мојот бизнис да станат споредни“.

Велат дека зад секој голем маж стои одлична жена. А за Снуп Дог оваа жена е Шанте Бродус. Во 2021 година, рап ѕвездата откри дека неговата сопруга сега управува со неговата кариера, што му било многу важно. Раперот вели: „Таа е мојот ‘рбет, таа е моето срце и мојата душа, таа е онаа што ја сакам најмногу, на кој најмногу верувам“.