Шегата на Ратнер – приказната за бизнисменот којшто поради лош хумор изгуби милијарда долари за 60 секунди
Џералд Ратнер, британски бизнисмен, во 1991 година одржа говор кој ја уништи неговата бизнис-империја. Како извршен директор на Ratners Group, тој успеа да го прошири семејниот бизнис од 120 до над 2.500 продавници, со годишен приход од 1,7 милијарди долари. Неговата стратегија била да продава евтини накити за работничката класа, што довело до огромен успех.
Лошо време за шега
Меѓутоа, за време на говорот пред Институтот на директори во Лондон, Ратнер направи неколку несоодветни шеги за своите производи, нарекувајќи ги „тотално ѓубре“ и споредувајќи ги со сендвичи со ракчиња. Овие коментари предизвикаа медиумски бура и пад на вредноста на компанијата за околу 700 милиони долари. Потрошувачите изгубија доверба, продажбата опадна, а компанијата беше принудена да затвори стотици продавници и да отпушти илјадници вработени. До крајот на 1991 година, акциите на Ratners паднаа за 80%, а Ратнер беше отпуштен во 1992 година.
Враќање во бизнисот и поука од грешките
По оваа катастрофа, компанијата се ребрендираше во Signet Group, која денес е еден од најголемите продавачи на накит во светот. Ратнер, по неколку години без работа, основа фитнес клуб кој го продаде за 5 милиони долари, а потоа започнал онлајн бизнис за накит – Gerald Online. Иако неговата репутација беше трајно оштетена, тој успеа да се врати во бизнисот и денес е мотивациски говорник.
„Ефектот Ратнер“ стана симбол за тоа колку е важно лидерите внимателно да ги избираат своите зборови, бидејќи една неумесна изјава може да има катастрофални последици за бизнисот.
Коментирај анонимно