Сексипил и ризични облеки кај жените, врвна класика кај мажите: Листа на најдобро облечените познати ѕвезди на овогодинешните „Оскари“

Најголемите ѕвезди во Холивуд се појавија на најзначајната ноќ на гламурот, во прекрасни тоалети и костуми, но и ризични моменти на црвениот тепих на 95-тото доделување на наградите Оскар, што се одржа во холивудскиот театар Долби во неделата навечер.

Лејди Гага беше атракција на црвениот тепих, затоа што пристигна во ризична, проѕирна црна тоалета на „Версаче“ со горен дел од бралет и ниско здолниште – откривајќи го нејзиниот гол грб и задник.

Ријана, исто така, се најде на врвот на листата на најдобро облечени, прикажувајќи го трудничкиот стомак во проѕирен кафеав кожен крој „Alaïa“ со исечени детали по должината на нејзините колкови.
Салма Хајек ги истакна своите облини во портокалова тоалета на „Gucci“, истакнувајќи го нејзиното убаво деколте.

Ана де Армас ја симболизираше Мерлин Монро во свилена органза на „Луј Витон“, за која беа потребни 1000 часа за да се изработи и имаше 650 везови и 3-Д ливчиња низ целиот фустан.

Имаше и многу други ѕвезди кои блеснаа со нивниот стилски избор, па ви предлагаме да ја погледнете целосната галерија на најдобро облечени мажи и жени на овогодинешната церемонија на „Оскарите“.