Семејна трагедија: 34 годишен маж е во затвор цели 17 години, откако како малолетник украл велосипед и повредил човек на улица

Семејството на Вејн Бел, кој е во затвор речиси 20 години поради кражба на велосипед како тинејџер, вели дека не знаат каде тој сега се наоѓа. Бел беше осуден според сега укинатиот закон за затвор за јавна заштита (ИПП) во Велика Британија.

Вејн Бел имал 17 години кога бил осуден за грабеж. Сега има 34 години, но тој останува зад решетки. Неговото семејство изгубило контакт со него и не знае во кој затвор се наоѓа. Желбата на неговиот татко била да разговара со Бел за последен пат, но тој починал во април 2020 година без да му се исполни таа желба. Сестрата на Бел, Алана (33), рече дека семејството не се слушнало со него повеќе од две години и не се сигурни дали тој воопшто е жив.

Пред околу 17 години, Бел удрил човек и му го украл велосипедот во Манчестер. Во 2007 година, тој беше осуден според законот за ИПП, кој подоцна беше прогласен за „неправеден“ и укинат. Казните за ИПП вклучуваа минимален рок, но по издржувањето на тоа, затворениците мораа да го убедат Одборот за условно ослободување дека се чесни за да бидат ослободени. Сепак, не им беа обезбедени курсеви за рехабилитација неопходни по ослободувањето.

Бел, кој некогаш сонувал да стане механичар и свирел на труба, почнал да има проблеми на училиште и бил избркан. На 17 години, тој бил осуден на четири години, но останал во затвор поради постојано одбивање на условно ослободување, главно поради тепачки во кои учествувал додека бил во затвор.

Пред неговата смрт, таткото на Бел, Карл, изразил неверување во ситуацијата, велејќи: „Вејн гледал убијци и силувачи како доаѓаат и си одат. Тој само удрил некого и му го зел велосипедот. Казната навистина не одговара на кривичното дело“.

Според Министерството за правда, речиси 3.000 луѓе сè уште отслужуваат казни за ИПП, многумина далеку над нивниот максимален рок. Активистите велат дека ИПП ги чинела даночните обврзници 500 милиони долари и може да достигне 1 милијарда долари до 2028 година. 

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!