Симпсонови повторно „предвидуваат“, овојпат за кризата со гориво во Британија

Симпсонови направија морничаво точни предвидувања во своето време, но обожавателите забележуваат уште една точна претпоставка.

Голем дел од Обединетото Кралство се соочува со недостаток на гориво поттикнато од комбинација на купување во паника, медиумски сензационализам и вистински проблеми со синџирот на снабдување.

Обожавателите уште еднаш се свртеа кон легендарниот цртан филм за да докажат дека навистина постои сцена од Симпсонови за секое сценарио.

Овој пат, тоа е клип од епизода од 2010 година што ги натера луѓето да зборуваат дека Симпсонови всушност ја предвиделе тековната криза со гориво.

Во епизодата, насловена „Лиса Симпсон, ова не е твој живот“, Хомер купува 1.000 галони (oколу 3000 литри) бензин во обид да освои награда за Меги и завршува со испумпување гориво директно во багажнкот на неговиот автомобил.

Иако не може да се каже дека шоуто го предвиде недостаток на гориво што го гледаме во моментот, сличностите помеѓу сцената и лудилото од вистинскиот живот што се случува на бензинските пумпи низ целата Британија се премногу очигледни, а клиповите на социјалните мрежи покажуваат како купувачите во паника купуваат бензин и покрај повиците од владата и компаниите за гориво да наточат само онолку колку им е потребно.

Отсекогаш ве мачеле големите прашања? Верувате дека светот не е толку едноставен и дека постојат и работи кои не ги гледаме? На вистинското место сте. Посетете го каналот Мистерии и урбани легенди.