Слушнете го „Блуп“ – неверојатно гласниот звук од длабочините на океанот (не, не е морско чудовиште)

Во 1997 година, американската Национална океанска и атмосферска администрација (NOAA) сними неверојатно гласен звук длабоко во Тихиот Океан, кој се слушнал од хидрофони оддалечени повеќе од 3.000 километри. Звукот, познат како „Блуп“, имал уникатен карактер и звучел како да е создаден од огромно морско суштество – погласен дури и од најгласното животно на Земјата.

Снимката предизвика лавина од теории – од мистични морски чудовишта до тајни воени експерименти. Но, во 2005 година NOAA објави објаснување: „Блупот“ најверојатно бил резултат на природна појава – мрзнење и пукање на ледени санти (т.н. „ледотрес“), при нивно кршење или триење од океанското дно.

Во 2012 година, оваа теорија беше повторно потврдена. Се работело за пукање на санта мраз што се одвојувала од глечер на Антарктик – појава што станува се почеста поради глобалното затоплување.

Иако не e чудовиште, звукот навистина e „ледено“ застрашувачки.