Смртоносната дрога што ја „тресе“ Велика Британија: Околу 500 жртви на скриената супстанца во лековите, која е дури 2000 пати посилна од хероинот
Велика Британија се соочува со растечка закана од смртоносни синтетички опиоиди наречени нитазени, кои можат да бидат до 2.000 пати посилни од хероинот. Овие супстанци, создадени уште во 1950-тите како лекови за болка, никогаш не биле одобрени за медицинска употреба и беа заборавени сè до неодамна, кога поради забраната на опиум во Авганистан, почнаа да се користат за зајакнување на ниско-квалитетниот хероин.
Содржина:
Растечка смртност и загриженост кај експертите
Проблемот не ги погодува само корисниците на хероин, туку и млади лица кои се обидуваат да се справат со стрес и болка купувајќи лекови од црниот пазар. Меѓу жртвите се и 21-годишниот Хари Данроуз, кој починал откако земал лажен Валим за хронична болка, и 23-годишниот оперски пејач Алекс Харпум, кој ненамерно консумирал таблети со нитазен.
Слично сценарио како во САД?
Експертите предупредуваат дека Велика Британија може да се соочи со слична криза како САД, каде фентанилот убива десетици илјади годишно. Само во последните две години, нитазените се поврзуваат со 458 смртни случаи, при што бројката речиси се зголемила тројно во 2024 година. Анализа покажува дека две третини од лековите набавени преку интернет, како што се Валим и Ксанакс, содржеле нитазени, без знаење на купувачите.
Жртви меѓу младите и корисниците на лекови
Иако досега се забранети 14 вида на нитазени, се проценува дека постојат повеќе од 70 варијанти, со нови што постојано се појавуваат. Властите воведоа нов закон со цел спречување на синтетизирање нови непокриени варијанти. Експертите повикуваат на итна реакција, предупредувајќи дека кризата допрва може да се влоши.
Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!
Коментирај анонимно