Снупи, дали си тоа ти? Запознајте ја Бејли, прекрасно кученце кое стана интернет сензација, затоа што е нарекувана „Снупи во живо“

Бејли оваа недела го разбранува „Инстаграм“ благодарение на нејзината впечатлива сличност со Снупи, саканото куче од стрипот „Peanuts“. Со нејзиниот нос и црните очиња, црни уши и форма на глава што одговара на Снупи, Бејли ги освои срцата на љубителите на домашни миленици насекаде.

„Doodle Dogs Club“, профил на „Инстаграм“ со илјадници следбеници, неодамна ја претстави Бејли со објава која ја опишува како „совршена реална верзија“ на Снупи. Објавата брзо стана вирална, заработувајќи повеќе од милион лајкови.

Бејли, која има свој профил на „Инстаграм“, ја коментираше објавата велејќи: „Тоа сум јас. Здраво на сите!” Профилот забележува дека таа наскоро ќе наполни 2 години и сака да јаде шлаг од „чаша за кученце“ или „пупучино“ во „Старбакс“.

Додека Снупи е биг , а Бејли е минијатурен овчар, кој е мешавина од староанглиско овчарско куче и минијатурна пудлица, нивната извонредна сличност е непобитна.

Ова куче е официјално снупи во живо, забележа еден следбеник. Бејли стана познато преку ноќ, а бројот на следбеници на „Инстаграм“  набргу се зголеми од 17.000 на 342.000.